Ненад Монев, ФК Работнички:

• „За сите фудбалери се обезбедени станови за живеење не подалеку од еден километар од локацијата на клубот, сите живеат во популарното Дебар Маало, каде и е основан клубот. Редовно го имаат на располагање клупскиот ресторан каде се хранат и каде им се обезбедени оброците. Покрај ова ги имаат сите квалитетни предуслови за професионална работа од аспект на медицински третман, терапии, суплементација, теретана и фитнес, користење на спа центри кои се во соработка со клубот и ред други бенефиции“.

Панче Ќумбев, претседател на Синдикатот на фудбалери во Македонија:

• „Има неколку клубови кои се многу добро организирани и добро стојат финансиски за наши балкански услови, но има за жал и клубови кои преживуваат од денес за утре и немаат голем буџет.
• „Оние што играат во добростоечките клубови земаат добри плати и можат да живеат повеќе од добро во Македонија. Но, за жал оние кои се во финансиски послабите клубови имаат само за нормален живот и ништо повеќе од тоа. Има играчи кои земаат многу високи плати, а има играчи кои играат и за минималец“, додава тој.