- Реномираниот магазин Л’Екип попладнево пренесува дека сите фудбалски судии, нивни помошници и делегати добиле мејл од судиската комисија која е под закрила на француската фудбалска федерација, да не прават пауза за време на натпреварите во време на Рамаданскиот пост со цел играчите кои постат, да се освежат и нешто поткаснат по заоѓање на сонцето.
- Англиската Премиер лига им дозволи на судиите да свирнат пауза за време на натпреварите од вечерните термини со цел фудбалерите од исламска вероисповед кои постат да се освежат.
- „Фудбалот не смее да биде мешан со политички, религиозни, идеолошки или синдикални прашања или со нивните актери“, стои во првиот член од статутот на Фудбалската федерација на Франција, пишува Л’Екип и додава дека репрезентативците на Франција изминативе денови за време на собирот биле прашани да го прекинат постот на пет дена додека се со репрезентацијата која играше квалификациски мечеви и тие прифатиле.
- Премиер лигата истражувала тајни плаќања од Челси во периодот од 2011-та и 2018-та година. Овие тајни плаќања излегле на виделина при продажбата на клубот кога американски сопственици го купија клубот во 2022-ра.
- Британски Скај Спортс пишува дека Премиер лига сега го казнила Челси за овие тајни плаќања 10,75 милиони фунти, го казнила со 1-годишна трансфер суспензија која е претворена во 2-годишна условна казна. Притоа изречена им е и 9-месечна забрана за трансфери од академијата.
- Челси сам пријавил неправилности, а во случај тоа да не го сторел ќе го чекала поголема и потешка казна. Новите сопственици воочиле неправилности и ги пријавиле во Премиер лига, во Фудбалската асоцијација на Англија и во УЕФА.
- Вкупно биле регистрирани 74 прекршоци меѓу другото нелегални исплати на агенти, финансирање од трета страна и исплати на посредници.
- Челси во јули 2023-та година постигна спогодоба со УЕФА која му изрече казна од 10 милиони евра откако сопствениците укажале на нецелосни финансиски извештаи за 2018 и 2019.
- Ракометната репрезентација на Македонија на 26 март ќе ги добие ривалите за квалификациите за ЕП 2028 во Шпанија, Швајцарија и Португалија, објавија од ЕХФ.
- Македонија според рејтингот ќе биде во вториот шешир заедно со репрезентациите на Австрија, Холандија, Фарски Острови, Србија, Полска, Чешка и Италија што значи дека со нив нема да се падне во иста група.
- Прв шешир: Германија, Хрватска, Исланд, Шведска, Франција, Норвешка, Унгарија, Словенија
- Втор шешир: Македонија, Австрија, Холандија, Фарски Острови, Србија, Полска, Чешка, Италија
- Трет шешир: Литванија, Босна и Херцеговина, Белгија, Грција, Украина, Романија, Грузија, Црна Гора
- Четврти шешир: Естонија, Летонија, Турција, Луксембург, Израел, Финска, Словачка
- Ждрепката е закажана со почеток од 19:00 часот во Лисабон. Во квалификациите ќе играат 32 селекции поделени во осум групи, а на континенталниот собир ќе настапат вкупно 24 репрезентации.
