- Дисциплинската комисија при ФФМ ги изрече казните за неодамнешните испади во македонскиот фудбал.
- ФК Вардар е казнет со вкупно 3.500 евра од кои 1.000 евра се поради користење пиротехнички средства на натпреварот од 26. коло меѓу ФК Пелистер и ФК Вардар како и 2.500 евра поради користење пиротехнички средства на дуелот со Силекс од 31. коло. За недоличното пеење и скандирање на играчите на прослава на шампионската титула сè уште не е изречена казна.
- ФК Пелистер е казнет парично со 2.500 евра поради користење пиротехнички средства во натпреварот од 26. коло против ФК Вардар.
- Казнети се уште и Шкендија со 5.000 евра поради навредливо скандирање против ФФМ и скандирање со националистичка содржина на дуелот со ФК Струга Трим Лум, како и Осогово, Детонит Плачковица, Каменица Саса.
- Тренерот на Шкендија Јетон Беќири е казнет со парична казна од 500 евра поради недолично однесвуање односно вербален напад врз припадници на МВР по крајот од дуелот меѓу ФК Силекс и Шкендија во 30. коло.
- Во опширно интервју за Вог, најдобрата светска тенисерка Арина Сабаленка која се спрема за големиот Ролан Гарос, вели дека доживува врз себе лични напади поради војната во Украина.
- Таа како Белорусинка од февруари 2022-ра година се соочува со многу непријатности. Ни крива ни должна често е мета на украинските тенисерки, на колешките кои не и пружаат рака, не и честитаат заслужени победи, ја омаловажуваат.
- „Ја сфаќам нивната позиција. Не поздравување, имам почит и за тој избор. Знам дека не е личен. Сакаат да пратат порака. Но многу е тешко да се доживее толку омраза од луѓето во тенисот. Еден тренер дури и како полуден ми викаше дека јас сум им фрлала бомби. Секако дека сакам мир секому. Не сакам војнава да постои.
- Тие (завојуваните страни) треба да седнат на маса и да ги решат сите проблеми низ преговори. Но исто мислам и дека спортот е платформа каде може да настапиме заедно, да не се бориме едни со други како да имаме некоја своја војна. Долго време Украинците и Белорусите беа како браќа ис естри. Многу сме блиски. И денес има толку голем ѕид меѓу нас и не знам дали некогаш ќе го снема“.
- Спортските портали на Островот веќе на големо пишуваат дека Пеп Гвардиола летово ќе го напушти Манчестер Сити а на негово место ќе дојде новиот тренер Енцо Мареска кој ги водеше Лестер и Челси во Англија.
- Гвардиола кој сезонава освои двојна круна во Англија со освоени ФА Куп и Лига Куп, летово го напушта „Етихад“. Пеп за 10 години со Манчестер Сити освои 20 пехари (шест шампионски титули во Премиер лига и 1 во Лига на шампиони) и стана најуспешен тренер во клупската историја и еден од најуспешните во историјата на Премиер лига.
- Италијанскиот тренер Енцо Мареска замина од Челси во јануари по серија слаби резултати. Фабрицио Романо пренесува дека Сити и 46-годишниот Мареска усмено се договориле за 3-годишен договор од 2026 до летото 2029.
