- Дојде крајот на една ера. Спортклуб веќе нема да пренесува кошаркарска Евролига, а овој канал со своите коментатори ги навикна и ги разгали гледачите. Според најавеното, Спортклуб ќе продолжи да функционира преку својата интернет страница а тв каналот најверојатно ќе згасне.
- Арена Спорт сега ги презема дополнителните ТВ права за преноси од разни спортови кои ги даваше Спортклуб.
- Евролига сега на Арена Спорт ќе пренесуваат неколку коментатори меѓу кои и познатите мајстори на овој занает, Един Авдиќ и Ненад Костиќ Коле.
- Дуелот Фенербахче - Барселона (вечерва од 19:45) ќе биде прв пренос на Един Авдиќ и Ненад Костиќ Коле на Евролига откако српски Телеком ги откупи сите тв права од Спортклуб.
- Македонија и Бугарија уште еднаш ќе си подадат рака за жртвите во големата трагедија во Кочани, во која загинаат 59 млади млади луѓе.
- Се спрема хуманитарен фудбалски натпревар меѓу легенди кои играле за македонската и бугарската репрезентација, кој веќе е закажан за 27 април во Варна.
- Организатор на настанот е Фондацијата „Национали 94“ во партнерство со општина Варна.
- За Бугарија ќе настапат голем дел од играчите кои го освоија историското четврто на место на Мундијалот во САД 1994, меѓу кои Христо Стоичков, Борислав Михајлов, Емил Кременлиев, Златко Јанков, Емил Костадинов, Јордан Лечков...
- Македонија уште го крои составот, а за сега се најавени Горан Пандев како главна ѕвезда во тимот и Ѓоко Хаџиевски во улога на селектор.
- Педесет и едно годишниот шпански спортски новинар Алексис Мартин-Тамајо кој во кариерата работеше за Диаро АС, радио Онда Серо и шпанското издание на ЕСПН, сега стои зад светски познатиот профил на Х, МистерЧип.
- Тој често објавува неверојатни статистички податоци и занимливости, а сега последно објави дека Реал Мадрид во последните 4 сезони одиграл дури 12 продолженија во разни натпреварувања (пред се во Лига на шампиони и шпански Куп) и победил на дури 11 од нив!
- Реал играл 4 продолженија во сезоната 2021/2022, 2 продолженија во сезоната 2022/2023, 3 продолженија во 2023/2024 и до моментов 3 продолженија во 2024/2025.
- „Кралскиот клуб“ покажа дека има страшна екипна ментална снага и дека може да победи секого и секаде во пресудни моменти од продолженија или на пенали.
