- Манчестер Сити, можеби водечки клуб во трката за поголема технолошка модернизација кој ништо чудно наскоро да стави и роботи да навиваат од трибините, сега смисли нова будалаштина.
- Навивачите во новата сезона ќе може да добијат таканаречен смарт (паметен) шал спремен со биометриски сензор во него, со цел да мери работа на срце, телесна температура и емотивен одговор од навивачите за време на натпреварите.
- Спремен со сензор наречен EmotiBit, шалот The Connected Scarf би требало околу вратот „да добива најдобри информации за емотивната состојба на навивачот“.
- Првиот човек на Баер Леверкузен побарал од фудбалските власти да внесат ограничувања на плати во фудбалот со цел да се намали огромната разлика, по примерот на НБА каде не можеш да трошиш колку што сакаш туку има таканаречен селари-кап кој те ограничува.
- Според Фернандо Каро, таква мерка ќе ја скрати доминацијата на англиската Премиер лига на пазарот.
- „Премиер лига стреми да стане водечка сила во Европа и дури и во Лига на шампиони. Видете, јас сум против такви тешки нагли правила, но за ова мора да се избориме. Ние меркавме еден играч. Летово се обидовме да потпишеме со него но нов англиски премиерлигаш понуди повеќе и предложи поголема плата од сите четири најсилни клубови во Германија. Премиер лига има многу повеќе пари и ресурси од која било друга лига. Тоа е катастрофа по нас. Многу е лошо“, рекол Фернандо Каро на конференцијата Фјучр оф Фајнанс на Блумберг во Франкфурт.
- Светската фудбалска федерација ФИФА официјално ја соопшти дисциплинската мерка за фудбалскиот сојуз на Србија. Поради низа пропусти на мечот со Англија, ФИФА најави казни. Во меѓувреме Фудбалскиот сојуз на Србија реши да го премести домаќинството за мечот со Албанија од Белград во Лесковац, на новиот но далеку помал стадион „Дубочица“ од безбедносни причини.
- ФИФА го намали капацитетот за овој меч на 20% па на трибините на дуелот Србија - Албанија би требало да има околу 6.500 гледачи што е неспоредбено помалку во однос на она колку можеше да има на белградскиот стадион „Рајко Митиќ“.
- Делегатот на дуелот Србија - Англија, Емил Убиас од Чешка евидентирал многу пропусти: светење со ласер, блокирани приоди и скали, нереди на трибините, хомофобни и навредливи скандирања, свирежи на химната на Англија.
