- Капитенот на македонската фудбалска репрезентација, по заминувањето од Леванте во Трабзонспор, како малку да падна во форма и не е толку често стрелец на голови како што правеше во Шпанија.
- Сега на Барди му се отвора убава можност да ја врати старата форма, под водство на хрватскиот тренер Ненад Бјелица кој од пред неколку дена седна на клупата на Унион Берлин.
- Овој германски клуб сезонава за првпат во својата историја игра во елитната Лига на шампиони каде пред последното коло има шанси да се избори за трето место и Лига Европа. Бјелица и Барди соработуваа во Трабзонспор пред некое време а македонскиот репрезентативец на последните четири средби кај тренерот Абдулах Авчи добил само 15-ина минути во еден настап.
- Унион Берлин по неверојатната сезона лани кога направи шоу и се пласираше во Лига на шампиони, сезонава е во огромен пад и е последен на табела со само 7 бода и дури 9 порази. Во еден момент имаа серија од 12 порази по ред во сите натпреварувања така што сега очекуваат од Бјелица да ги спаси од испаѓање.
- Најдобриот фудбалер на денешницата, Египќанецот Мохамед Салах ги прекина сите повеќемесечни шпекулации и потпиша нов договор со црвените.
- Мо игра неверојатна сезона и веќе постигна 32 гола на 45 настапи во сите натпреварувања од кои дури 27 погодоци паднаа во Премиер лига со што тој е апсолутен лидер и се очекува да ја добие Златната копачка за најдобар стрелец во Европа.
- За лудата сезона на Салах говорат и 22 асистенции за своите соиграчи. Салах потпишал нов 2-годишен договор и ќе остане до следното лето 2027-та година.
- На навивачите им олесна.
- ФФМ веќе е во процес за имплементација на ВАР систем во македонскиот фудбал, со што ќе се направи значаен чекор во модернизацијата на Првата македонска фудбалска лига.
- Во рамки на постапката, ФФМ веќе има добиено понуди од компании специјализирани за ВАР технологија и во моментот е во фаза на евалуација и избор на најсоодветниот понудувач.
- Овој процес се спроведува во тесна координација со ФИФА и УЕФА, во согласност со сите меѓународни стандарди за имплементација и користење на ВАР системот.
- Тоа значи дека веќе од следната натпреварувачка сезона, ВАР ќе биде дел од натпреварите во Првата лига, соопштуваат од Фудбалската федерација на Македонија.
