- Откако во четвртфинале на Лига на шампиони сезонава Манчестер Сити го исфрли РБ Лајпциг и се пласираше во полуфинале, Пеп Гвардиола имаше супер интересна прес конференција.
- Од нигде никаде Пеп тогаш рече: „Имам три идоли во живоот: Мајкл Џордан, Тајгер Вудс и Џулија Робертс. Џулија дури и дојде во Манчестер пред неколку години, не во ’90-те кога Сер Алекс Фергусон освјуваше титули и титули и титули. Дојде во градот во периодот кога ние бевме подобри од Јунајтед во тие четири-пет години и отиде кај нив на гости не дојде кај нас. Дури и ако освојам Лига на шампиони, не може да се спореди тоа со болката дека Џулија РОбертс дојде во Манчестер и не дојде да не види нас.
- Во саботата вечер Пеп Гвардиола и Манчестер Сити освоија Лига на шампиони во финале против Интер (1:0) а Џулија на својот Инстаграм профил објавила фотографија од Пеп со големиот пехар и натпис: „Честитки Пеп Гвардиола за тоа што го одведе твојот тим до трофеј во ЛШ“. За 11 часа има повеќе од 106.000 лајкови.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
