- Легендата на југословенскиот фудбал и Црвена звезда, Драган Џајиќ се впушта во трка за прв човек на фудбалскиот сојуз на Србија.
- И сè би било нормално во оваа вест ако не се знае дека сериозен кандидат за предводник на фудбалскиот сојуз на Србија е и Немања Видиќ чиј противкандидат до пред неколку дена беше доскорешен министер за земјоделство во српската влада, Бранислав Недимовиќ.
- За тоа колку управувањето со фудбалот е сериозен бизнис говори и фактот што ниту Црвена Звезда ниту Партизан не го поддржаа Немања Видиќ, за прв човек на сојузот. Долгогодишниот капитен на Манчестер Јунајтед и име и презиме во светот на фудбалот веројатно влегол во борба со ветерници, а Џајиќ, велат некои коментатори, на свои 76 години би бил само привиден претседател додека одлуките би ги носеле луѓе од сенка.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
