- Мајкл Портер Џуниор и Арон Гордон кои имаа важна улога во освојувањето на НБА титулата на Денвер Нагетс, во подкаст зборуваат за Јокиќ.
- „Јокиќ тренира секое утро, ќе одигра натпревар, а потоа крева тегови по натпреварот. Работи редовно секој ден. И на сето тоа, тој е скромен. Кога имате двократен МВП и најкорисен играч на финалето на НБА кој е толку несебичен, тоа е како божји дар“, вели Гордон.
- „Тој е единствен. Кога ќе го гледате ноќ по ноќ, тој е најдобриот играч што некогаш сум го видел. Лудо е што може да направи. Порано беше добар, но не беше толку заинтересиран. Како е можно да се подобриш после МВП година? Годинава е уште подобар, а ние го освоивме прстенот. Разговарав со него и ми кажа дека во Србија пиел по шест пива дневно. Веројатно не ја ни допрел топката“ објаснува Мајкл.
- Убави ветришта дуваат кај двократниот европски шампион. По освоениот Куп пехар до кој дојдоа со крајни маки против тврдиот орев, црвено-црните блескаат и во првенството каде се први и на чекор до нова шампионска титула после цели 5 години.
- Управата на чело со почесниот претседател Михајло Михајловски денес на прес-конференција потврди дека клубот го договорил и 23-годишниот француски ракометар Матео Фадуил.
- Во оваа сезона, Фадуил настапува за Трембли за кого на 24 натпревари даде 157 гола. Французинот во Трембли е од 2022 година, а покрај за Нант за кого играше од 2019 до 2021, настапуваше и за Саран на позајмица и за Кретеј. „Фадуил ќе биде и последно засилување во ростерот на Вардар за новата сезона“, потврдил Михајло Михајловски кој додал и дека според тренерот Чупиќ, Вардар 1961 ќе биде за 40% појак од оваа сезона.
- Претходно, Вардар за следната сезона ги договори Мохаб Абделхак, Милан Бомаштар и Леон Љевар.
- Ракометниот клуб Вардар 1961 објави и дека договорил нов моќен спонзор со кој ќе соработува во иднина. Станува збор за „Казинос Австрија Интернешионал“, компанија која ќе биде еден од главните поддржувачи на вардарци.
- Никола Митревски се обврза на нов договор за Еурофарм Пелистер за сезоната 2026/27, со опција за продолжување и за сезоната 2027/28, соопштуваат битолчани.
- Во октомври оваа година, тој ќе наполни 41 година и доколку реши да остане уште една сезона, тоа значи ќе брани и на 42.
- „Митревски е роден победник, дете на клубот, човек кој се изгради и како личност и како професионалец со преку две децении врвен ракомет. Освојуваше титули каде и да настапуваше, но задоволството е уште поголемо кога заеднички се радуваме на трофеи во Битола. Така ќе биде и во иднина“, стои во дел од соопштението на клубот.
