- Државната комисија за спречување на корупција, утрово побарала кривична пријава за Наумче Мојсовски кој е прв човек на Агенцијата за Млади и спорт.
- Истовремено претседателот на МОК Даниел Димевски бара негова смена и стопирање на ваучерите за 2023 година.
- „Почитувана Г-ѓа Грковска, веруваме дека со должно внимание сте го прочитале Конечниот Извештај на Државниот завод за ревизија каде прецизно се констатирани сите незаконски дејанија кои за жал се пракса во работењето на раководството на АМС. Внимавајте, се работи за милионски суми распределени без никаква контрола и механизми“, стои во писмото на Димевски до вицепремиерката Славица Грковска.
- Европската куќа на ракометот го затвори скандалозниот случај кој АЕК Атина го предизвика против Алкалоид во реванш финалето од Европскиот Куп.
- Откако пред десетина дена го прогласи за шампион во ова натпреварување за сезоната 2024/25, ЕХФ го казни Алкалоид со 5.000 евра затоа што не обезбедил доволен број билети за гостинските навивачи, соодветно со капацитетот на салата.
- АЕК Атина доби две годишна суспензија во европските купови, како и парична казна од 20.000 евра, бидејќи го прекршил основното правило на ЕХФ, да не игра на закажан натпревар.
Фото: Epa Images
- Ливерпул и Баер Леверкузен конечно постигнаа договор. Најдобриот германски фудбалер Флоријан Вирц ќе потпише за англискиот шампион договор вреден 116 милиони фунти (157 милиони долари).
- Црвените ќе платат иницијални 100 милиони фунти и ќе постават нов клупски рекорд а и нов британски рекорд ако се исполнат сите договорени евентуални бонуси од постигнати успеси на теренот.
- 22-годишниот Германец го надминува досегашниот рекорд во Премиер лигата од лани кога Челси за Еквадорецот Моизес Каиседо плати неверојатни 115 милиони фунти во Брајтон.
