- Експресно, само неколку часа откако го отпуштија новиот тренер Игор Бишчан кој беше прогласен за најголем виновник што Динамо Загреб во само неколку секунди упропасти водство од 0-2 и испадна од Лига на шампиони, „модрите“ најдоа нов тренер.
- Сергеј Јакировиќ како тренер го водел Зрињски Мостар до шампионска титула во БиХ. Сезонава ја почна како тренер на Ријека но Динамо Загреб искористил клаузула во договорот и за неколку стотици илјади евра го откупила договорот на Јакировиќ. Ова го налутило првиот човек на Ријека Дамир Мишковиќ кој бил шокиран како е можно тренерот да го предал клубот среде сезона.
- Откако раскрстија со Здравко Мамиќ (макар јавно и официјално), во управата на Динамо не знаат во кој правец се движи клубот и како без алфата и омега да изгубија компас. „Ќе го бараат Здравко“ се најчестите коментари на неутралните гледачи.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
