- Белиот спорт важи за отмен и монденски, но и тој не е имун на разни малверзации. Барем на оние пониските нивоа.
- Надлежните тела во светот на тенисот сега истражуваат 375 натпревари одиграни меѓу февруари 2014 и јуни 2018, а поврзани се со дури 181 тенисер!
- Мозок на целата операција бил извесен Григор Саргсјан, 32-годишен Ерменец поврзан со мафијата. Тој е обвинет дека подмитувал тенисери и местел натпревари. Во најголем дел се работи за тенисери кои биле под 200. места на АТП ранг листата, односно оние кои зарботувале помалку, пишува француски Л’Екип.
- Во декември лани на неопределено време се суспендирани француските играчи Мик Лескуре и Жил Окала за кои било утврдено дека се занимавале со местење натпревари.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
