Offside › Набрзинка

Десетти тренерски ангажман за Ѓоко Хаџиевски кај Арапите

8 февруари 2023

Поранешниот селектор на Македонија е нов тренер на Наџран од Саудиска Арабија, клуб кој прв пат го водеше во сезоната 2011/2012, а потоа и во 2013/2014.
Хаџиевски во Саудиска Арабија ги водеше и Ал Тавон, Ал Кадсија и Хаџер, а во Обединетите Арапски Емирати Хата, Ал Дарфа и Емирејтс.
Во својата богата меѓународна кариера, тој работеше и во Македонија, Србија, Бугарија, Јапонија, Грција, Кипар и Азербејџан, каде беше и селектор.
Сите тројца кои ќе патуваат со него се викаат Филип. Деспотовски и Спасески како помошници и Маџовски како тренер на голманите.

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.