Offside › Набрзинка

Челси казнет драконски: 10,75 милиони фунти и нова забрана за трансфери

16 март 2026

Премиер лигата истражувала тајни плаќања од Челси во периодот од 2011-та и 2018-та година. Овие тајни плаќања излегле на виделина при продажбата на клубот кога американски сопственици го купија клубот во 2022-ра.
Британски Скај Спортс пишува дека Премиер лига сега го казнила Челси за овие тајни плаќања 10,75 милиони фунти, го казнила со 1-годишна трансфер суспензија која е претворена во 2-годишна условна казна. Притоа изречена им е и 9-месечна забрана за трансфери од академијата.
Челси сам пријавил неправилности, а во случај тоа да не го сторел ќе го чекала поголема и потешка казна. Новите сопственици воочиле неправилности и ги пријавиле во Премиер лига, во Фудбалската асоцијација на Англија и во УЕФА.
Вкупно биле регистрирани 74 прекршоци меѓу другото нелегални исплати на агенти, финансирање од трета страна и исплати на посредници.
Челси во јули 2023-та година постигна спогодоба со УЕФА која му изрече казна од 10 милиони евра откако сопствениците укажале на нецелосни финансиски извештаи за 2018 и 2019.

извор

Македонија од вториот барабан во Лисабон ќе ги добие ривалите во квалификациите за ЕП 2028

16 март 2026

Ракометната репрезентација на Македонија на 26 март ќе ги добие ривалите за квалификациите за ЕП 2028 во Шпанија, Швајцарија и Португалија, објавија од ЕХФ.
Македонија според рејтингот ќе биде во вториот шешир заедно со репрезентациите на Австрија, Холандија, Фарски Острови, Србија, Полска, Чешка и Италија што значи дека со нив нема да се падне во иста група.
Прв шешир: Германија, Хрватска, Исланд, Шведска, Франција, Норвешка, Унгарија, Словенија
Втор шешир: Македонија, Австрија, Холандија, Фарски Острови, Србија, Полска, Чешка, Италија
Трет шешир: Литванија, Босна и Херцеговина, Белгија, Грција, Украина, Романија, Грузија, Црна Гора
Четврти шешир: Естонија, Летонија, Турција, Луксембург, Израел, Финска, Словачка
Ждрепката е закажана со почеток од 19:00 часот во Лисабон. Во квалификациите ќе играат 32 селекции поделени во осум групи, а на континенталниот собир ќе настапат вкупно 24 репрезентации.

извор

Јенс Питер Хауге: Една од најубавите работи е што кога судијата ќе свирне се игра 11 на 11

13 март 2026

„Една од најубавите работи во фудбалот е тоа што без разлика колку е мал градот од кој доаѓате или колку е ладно овде во текот на зимата, кога судијата ќе свирне, се игра 11 на 11.
Сè може да се случи ако само веруваме во себе и им веруваме на луѓето околу нас. Неверојатно е и навистина инспиративно за другите норвешки клубови да видат дека тоа е можно.“, објаснува Јенс Питер Хауге, кој ја почна кариерата во Бодо и се врати пред две години после авантурите во Италија, Германија и Белгија.
Крилото на Бодо постигна четири гола и имаше една асистенција во последните пет натпревари во Лигата на шампионите, а на 26 години, има причина да верува дека ова му е само загревање.
„Мислам дека влегувам во мојата најдобра форма во моментов и дека во следните две-три години ќе бидам физички во најдобра форма, кога ќе бидам зрел и кога мојата физичка подготвеност ќе биде на врвот“.
Бодо Глимт има 5 од 5 во ЛШ. Ги доби Сити и Атлетико во група, потоа со две победи го елиминираше фаворитот за Скудетото Интер, а сега има 3:0 по првиот осминафинален меч против Спортинг Лисабон.

Шишај брату, тепавме 5 по ред

извор