Италијанската Серија А доживува права ренесанса. Дури три италијански клубови ќе играат во трите финалиња на најголемите европски турнири: Лига на шампиони (Интер), Лига Европа (Рома) и Лига Конференции (Фиорентина). Поради тоа Серија А направи маркетинг кампања во која учествуваа Капело, Канаваро и Лука Тони.
Калчото се врати на голема врата, а желба на сите луѓе на водечки позиции во Италија е овој успех да продолжи понатаму.
Се претпоставува дека за новите телевизиски договори на Серија А со странство би требале да вредат 5,4 милијарди долари што би бил историски рекорд за оваа лига.
По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
Раководството на Интер откако се раздели со Симоне Инзаги кој заминува за годишна плата од страшни 25 милиони евра во клубот Ал Хилал во Саудиска Арабија, сега е во потрага по негов наследник.
Најголема желба им беше Сеск Фабрегас кој имаше одлична сезона со скромниот Комо. Но газдата на овој клуб кој важи за еден од најбогатите луѓе на светот не сакал да слушне за заминување на Шпанецот и директно им јавиле на Интер дека не го даваат.
Во меѓувреме нераѕурите се вртат кон нивниот некогашен играч Кристијан Киву кој сезонава ја водеше Парма. Киву беше дел од шампионската генерација предводена од Жозе Мурињо која освои историска триплета.
