- Денес во Штип ветераните на Брегалница и Црвена звезда ќе го одбележат јубилениот 100. роденден на штипскиот клуб со плејада познати фудбалери.
- Ќе бидат присутни Дарко Панчев, Илија Најдоски, Драган Канатларовски, Митко Стојковски, Бошко Ѓуровски, Владимир Петровиќ-Пижон, Станислав Караси, Здравко Боровница, Зоран Филиповиќ, а најверојатно и Милко Ѓуровски, Дуле Савиќ, Горан Пандев и други...
- За Брегалница се очекува да настапат имиња кои играле и за репрезентацијата на Македонија како Љупчо Лазаров, Гордан Здравков, Гоце Алексовски, Мијалче Маџуранов, Баже Петров, Папаров, Милосавов, Ефтимов и капитените Мите Георгиев и Кире Герасимов.
- Средбата е закажана за 19:00 часот на „Градскиот стадион“ во Штип.
- Многумина не знаат дека овој јубилеен натпревар ги враќа убавите спомени од 1978-ма година кога во Штип дојдоа едни од најголемите фудбалски имиња во тоа време, Еузебио, Шекуларац, Драган Џаиќ, Бразилецот Еду и Слободан Сантрач.
- Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
- Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
- Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.
- Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
- Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
- Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
- Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.
