- Македонскиот напаѓач доби уште една потврда за фантастичната сезона во шкотскиот фудбал, го номинираа за фудбалер на годината.
- Во изборот на спорските новинари, за ова признание ќе се бори со Лоренс Шенкленд од Хартс, Џек Батланд од Ренџерс и Мет Орајли од Селтик.
- Во случај да победи, Миовски ќе стане прв играч кој не е од Селтик или Ренџерс со оваа награда.
- Сезонава има 24 гола на сите натпреварувања со кои заслужено ја доби наградата за најдобар играч на Абердин и беше избран во тимот на сезоната во шкотската Премиер лига.
- Во Серија А има голема тренерска вртелешка летово. Масимилијано Алегри е старо-нов предводник на Милан, Џан Пјеро Гасперини отиде во Рома а на негово место Аталанта денес го постави хрватскиот тренер Иван Јуриќ.
- На големо изненадување на италијанската јавност, Аталанта се реши за Јуриќ и му дала 2-годишен договор. Јуриќ (49) досега водеше неколку италијански клубови меѓу кои Кротоне, Џенова, Палермо и Торино. Беше неколку месеци во Саутемптон каде забележа бројни порази и доби отказ од тимот кој испадна во втора лига.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
