- На ждрепката за Лига Европа, Бешикташ за противници ги доби Ајнтрахт Франкфурт, Макаби Тел Авив, Лион, Малме, Бодо Глимт, Атлетик Билбао и Твенте. Израелските медиуми веќе почнале да пишуваат дека Макаби Тел Авив најверојатно ќе бара од УЕФА натпреварот закажан со Бешикташ во Истанбул да се игра на неутрален терен.
- Претседателот на Бешикташ, Усеин Јуџел отворено рекол: „Израел почна да лобира преку печатот. Нема да се предадеме. Не може да се игра на неутрален терен како на кошаркарските натпревари како што они си замислиле. Веќе од понеделник ќе почнеме да работи со УЕФА. Тоа (да се игра на неутрален терен со Макаби наместо на модерниот стадион на Бешикташ во Истанбул) е нешто што нема да го прифатиме. Ако се плашат, требало да се повлечат од турнирот наместо да не доаѓаат во Истанбул“.
- Лидерот во македонската Супер лига, РК Вардар 1961 објави дека официјално се договорил со актуелниот репрезентативец на Србија и ракометар на Војводина Вукашин Воркапиќ.
- 28-годишното десно крило имаше импресивни настапи за тимот од Нови Сад кој со години држеше хегемонија во српскиот ракомет. Воркапиќ е официјално регистриран и може да настапува за РК Вардар 1961 во продолжение од сезоната и во европските предизвици, соопштија од таборот на црвено-црните.
- Договорот му важи до крајот на следната сезона 2027/2028.
- Двократниот европски шампион Вардар 1961 планира во новата сезона да го донесе Шпанецот Јан Гури од Спортинг Лисабон кој би бил идеална замена за сјајниот Украинец Дмитро Хориха кој не го продолжи договорот со црвено-црните и ќе заминува веројатно во унгарски ПИК Сегед.
- Јан Гури има 23 години, стандарден член е на репрезентацијата на Шпанија за која на последното Европско првенство во Данска забележа дури 27 гола и беше втор стрелец на некогашниот европски шампион Шпанија.
- Гури е лев бек и одлично би дошол на позицијата која остана празна откако од клубот заминаа Вуко Борозан, Филип Талески, Стефан Петриќ и најавеното заминување на Хориха.
