- Неверојатна завршница имаше клучниот кошаркарски дуел меѓу Аргентина и Доминиканска Република во квалификациите за Светско кошаркарско првенство годинава во Индонезија, Јапонија и Филипини.
- Во аргентинскиот град Мар дел Плата, кошаркарската репрезентација на Аргентина постојано беше во водство, на 12 минути до крајот „гаучосите“ предводени од своите најдобри играчи Кампацо, Дек, Делија и Вилдоза, имаа дури 17 поени предност, но на крајот изгубија од аутсајдерот Доминиканска Република.
- Младиот 19-годишен кошаркар на шпански Бетис, Хеан Монтеро беше јунак на мечот со 22 поени од кои дури 9 во последна четвртина кога се случи пресвртот.
- Аргентина првпат нема да игра на Светско првенство после цели 40 години. Имаат серија од дури 9 Мундијали по ред и нема да се појават прпват после 1982-ра.
- Триесет и три годишниот десен бек Стефан Ристовски е нов член на ФК Сараево. Некогашниот македонски репрезентативец кој настапи и на првото историско Европско првенство за Македонија, неколку месеци беше слободен играч откако му истече договорот со Динамо Загреб.
- Ристовски забележа 206 настапи за Динамо (185 официјални натпревари), постигна 7 гола и 21 асистенција. Скопјанецот освои 8 трофеи со „модрите“ од Загреб: 4 шампионски титули во Хрватска, два пехари во Купот и два Суперкупа на оваа земја. 4 пати играше во групна фаза на еврокупови од кои 2 пати во Лига на шампиони против најсилните европски клубови.
- Ристовски од денес и официјално е член на ФК Сараево.
- Легендарниот среден бек Филип Миркуловски се врати во Македонија по десетина години и ќе биде дел од Ракометната федерација како координатор на сите машки репрезентации.
- Миркуловски ќе соработува со селекторите на сите генерации – Кире Лазаров, Наум Танески и Горан Кузманоски и ќе помага во развојот на младинските категории.
- Славниот македонски репрезентативец, кратко време беше дел од стручниот штаб на Лазаров во сениорската репрезентација, но Вецлар беше пречката за паралелна работа.
- „Мора да направиме пионерска категорија, со кадетите веќе се доцни долго време, мора да им дадеме предност на тие млади деца за да можеме да ги стигнеме сите врвни селекции. Сакам да вложам многу труд и можам многу да придонесам, тоа го имам видено во Германија“, вели Жути
