Offside › Набрзинка

Андреј Јакимовски: Како дете „Медисон Сквер Гарден “ го гледав на ТВ, а денеска играм во него

30 август 2022

„Клеј Томпсон е веројатно главниот виновник што го избрав Вашингтон Стејт. Имав околу 20 понуди од САД, но од Италија ме пуштија само во Вашингтон Стејт. Присуствував на повлекувањето на дресот на Томпсон со кој имав можност да поразговарам“.
„Кога стигнав во САД прво нешто што си кажав самиот на себе беше „Кај дојдов? Салата е со 17.000 капацитет, имаме голем фитнес центар и целиот ден ти поминува на часови, тренинг и фитнес“.
„Сметам дека преку колеџот полесно е да се стигне до НБА драфт или Г-лига и затоа мислам дека направив правилен потег. Прва цел ми е драфт, но добар избор е и Г-лига бидејќи во последно време многу добри играчи излегуваат и од таа лига во НБА“.

Инаку 21 годишниот талент постигна важна тројка во пресвртот на Македонија над Словачка.

извор

Откажан Светски Куп во скокови во вода во Мексико поради картели и пресметки

27 февруари 2026

Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.

извор

Кристијано Роналдо купил 25% од акциите на шпанска Алмерија

26 февруари 2026

Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.

извор