На 3-ти септември 1985-та година во сообраќајка на делница од автопатот Белград - Нови Сад, на само 22 години загинал во тој момент најдобриот фудбалер на белградски Партизан, Драган Манце.
Врвниот центарфор, еден од најсаканите меѓу навивачите на црно-белите, за клубот постигнал 174 гола на 279 натпревари и бил најзаслужен за освоена шампионска титула во 1982/1983.
По Драган Манце е именувана и една улица во Белград, во близина на стадионот на ФК Партизан.
Со вечерашниот натпревар од 19 часот меѓу Вардар 1961 и Еурофарм Пелистер од Суперкупот започнува новата сезона во македонскиот ракомет.
Скопјани и Битолчани летово два пати се сретнаа едни против други а Пелистер беше поуспешен и на два пати на пријателски средби на турнирите.
Вардарци минатата сезона го освоија Купот игран во Охрид, а во драматичен финиш ја изгубија титулата од Пелистер со пораз токму на домашен терен во Скопје каде и нерешен исход им носеше шампионски пехар.
За вечерва во Кавадарци се најавени и навивачки групи на двата тима, и Чкембари и Комити ќе присуствуваат во салата „Јасмин“.
Славниот долгогодишен капитен на Мајнц и поранешен македонски репрезентативец им се приклучи на поранешните негови соиграчи во ФФМ.
„Новески е назначен за раководител на скаутинг службата, со задача да ја координира и развива стратегијата за следење и идентификување на млади таленти со македонско потекло ширум Европа и светот. Оваа активност е дел од новите приоритети на ФФМ, со цел да се прошири базата на фудбалери за сите национални селекции и да се отвори уште поголем простор за иднината на македонскиот репрезентативен фудбал“, соопштуваат од ФФМ.
Николче Новески кој има 64 настапи за македонската репрезентација ќе работи во координација со Горан Пандев, Ѓорги Христов и Агим Ибраими во насока на следење на фудбалерите, како и организирање на тест натпревари надвор од Македонија, каде младите ќе имаат можност да се докажат.
