Врвна партија на Лука Дончиќ во Лос Анџелес, Далас ги урна Леброн и Лејкерс

Далас Маверикс после продолженија го доби ЛА Лејкерс 119-115 во најинтересниот меч на вечерта во НБА. Лука блескаше со нов трипл-дабл зачинет со 35 поени, 14 скокови и 13 асистенции. Дончиќ постигна клучна тројка со која Мавси изборија продолженија, а потоа даде нова тројка за второ продолжение.

Дончиќ го повтори подвигот на Мајкл Џордан од 1986-та година откако стана прв играч на 23-годишна возраст или помлад кој постигнува по 40 или повеќе поени во просек на 10 меча по ред. 

Покрај Лука, голем удел во 24-от сезонски триумф на Далас Маверикс имаа уште и Кристијан Вуд со 24 поени, 14 скока и 6 асистенции, Тим Хардавеј со 22 поени и 8 скока и Спенсер Динвиди со 17 поени и по 4 скока и асистенции.

Кај „езерџиите“ кој имаат учинок 19-23, Расел Вестбрук беше најефикасен со 28 поени, 7 скока и 5 асистенции а Леброн додаде 24 поени, 16 скока и 9 асистенции.

 

13 јануари 2023 - 09:54

Штета ако сте пропуштиле

Потрошувачката кошничка на Р.

Со еден збор: Шокантно!

Најзагрозените

Двогласие