Не му доаѓа памет и не му доаѓа, тоа ти е

Џа Морант, суперѕвездата на Мемфис Гризлис и лидер на овој тим кој сигурно ќе игра во плејофот на НБА лигата, два пати беше драстично казнет од раководството на лигата поради тоа што еднаш мавтал со оружје во ноќен клуб во Денвер во 2023-та. За тоа го казнија 8 натпревари. Иста глупост направи после неколку недели, на Инстаграм во мај месец 2023-та во видео во живо мавтал со пиштол па НБА лигата го казни 25 натпревари. Сега трета среќа.

После средбата Голден Стејт Вориорс - Мемфис Гризлис на која Стеф Кари постигна 52 поени со дури 12 погодени тројки, Џа Морант во еден момент со рацете симулирал како пука од огнено оружје кон клупата на Голден Стејт.

Во своја одбрана тој рекол дека прво резервистот на Вориорс, Бади Хил така гестикулирал кон него, па овој му вратил.

Клупата на Голден Стејт беше револтирана на овој потег на Џа Морант а Стеф Кари остана во чудо:

На НБА лигата не ѝ е баш гајле кој кому правел, таа отворила истрага за Џа Морант кого сигурно го чека нова казна:

А дека е најатрактивен играч во лигата со страшни дриблинзи, тоа стои: 

3 април 2025 - 08:34

Штета ако сте пропуштиле

Белгија галантна, го враќа Лумумба

Како Iron Maiden заработи од пиратите

Ова некогаш ќе пукне

Обуки за диверзитет и инклузија се бадијала горење пари