Кендрик Нан последниве две сезони е најдобар кошаркар во Евролига, но синоќа иако ја доби МВП наградата, не ја оправда баш на теренот во првиот меч од серијата меѓу Панатинаикос и Анадолу Ефес.
Нан имаше очајни 4/15 погодени шута од игра па среќа неговата мизерна партија ја сокрија Хуанчо Ернангомез со партија на сезоната со 20 поени, 15 скока, 3 блокади и 2 украдени топки и Омер Јурцевен со 14 поени и 7 скока. Нан на крајот стигна до 14 поени, Слукас додаде 13 а Џеди Осман 11.
Кај Анадолу Ефес кој имаше во еден момент и предност од 12 поени разлика, Поирие уфрли 17 поени и забележа 8 скока, Шејн Ларкин додаде 17, Елајџа Брајант 14 а Дерик Вилис 11 поени.
#EuroLeague president Dejan Bodiroga gives Kendrick Nunn the season #MVP awardpic.twitter.com/kikLATygtB
— Eurohoops (@Eurohoopsnet) April 22, 2025
ФЕНЕРБАХЧЕ - ПАРИЗ
Во Истанбул исто се одигра неизвесен натпревар со кој стартуваше Топ8, осминафиналето на Евролига. Фенербахче го совлада најголемото изненандување на сезоната, дебитантот во Евролига, Париз.
Најефикасен кај Фенербахче кој од клупата го води легендарниот Шарунас Јасикевичиус, беше Вејд Болдвин со 15 поени, Најџел Хејс-Дејвис додаде 14 поени а Девон Хол 13. Кај Париз Надир Хифи даде 21 поен, Тајсон Ворд 19 а македонскиот репрезентативец Ти Џеј-Шортс имаше 17 поени со 7 асистенции.
Вечерва на програмата се дуелите: Монако - Барселона и Олимпијакос - Реал Мадрид, а утре вечер на програмата се вторите дуели од сериите меѓу Фенербахче и Париз и Панатинаикос и Анадолу Ефес.
