Јокиќ го прими МВП признанието пред штала во Сомбор со тамбураши

Никола Јокиќ втора година по ред ја освојува МВП наградата која се однесува на регуларниот дел на сезонава на НБА лигата и со тоа влезе во одбрано друштво со имиња како Мајкл Џордан, Леброн Џејмс, Меџик Џонсон, Тим Данкан, Стив Неш...Ја прими емотивно во родниот Сомбор откако заврши со јавање, а на гости му дојдоа главните луѓе од клубот.

Големото изненадување во Сомбор го режирале од Денвер со помош на луѓе од НБА лигата, за човекот кој стана само 13-ти играч во историјата со две МВП признанија во низа и само петти центар.

Јокиќ се појави со коњ, се расплака од возбуда, а пред шталата го чекаше и жива музика.

Во Сомбор пристигнаа тренерот Мајк Мелоун, генералниот директор Келвин Бот и сопственикот на Денвер Стен Кроенка. Каква чест.

„Мислам дека за прв пат во историјата на НБА лигата, еден МВП трофеј беше доделен во штала за коњи, констатираше водителот на ТНТ, а тоа го потврди и самиот Јокиќ кој меѓудругото кажа:

„Не е можно дека воопшто ќе станам кошаркар и дека ќе играм во НБА лигата, доаѓајќи од овој град, а сега сум дел од најјаката лига во светот“.

Јокиќ на гласањето доби 875 бодови, веднаш зад него беше Џоел Ембид со 706, додека трет беше Јанис Адетокумбо со 595. Потоа следуваа Девин Букер, Лука Дончиќ, Џејсон Тејтум, Џа Морент, Стивен Кари, Крис Пол, Демар Дерозан, Леброн Џејмс и Кевин Дурент. 

Гласовите за оваа награда ги даваа над 100 новинари кои работат во САД и Канада.

Прв ја пласираше информацијата новинарот на ЕСПН, Адријан Војнаровски.

12 мај 2022 - 09:45

Штета ако сте пропуштиле

Професорите го возвраќаат ударот

Звукот на козата

Приказната на владиката за гравот и колбасот

Кое сранје е овој Канје