Експлозија на Никола Јокиќ со рекордни 56 поени

Феноменот од Сомбор го сруши личниот рекорд од пред три години и запиша неверојатни 56 поени. Лудата партија на Јокиќ за жал оди во сенка, бидејќи загубија и тоа од најлошиот тим во лигата.

Вашингтон Визардс го добија Денвер Нагетс со 122:113 и со тоа ја прекинаа серијата од 16 порази по ред.

Натпреварот го одбележа Никола Јокиќ со рекордна партија од 56 поени. Претходно најмногу имаше против Сакраменто, кога во 2021-ва им даде 50.

Јокиќ шутираше со 22/38, од линијата за слободни фрлања имаше 9/13, плус додаде и 16 скока и 8 асистенции.

Ова е всушност втор најдобар учинок на еден играч во историјата на Денвер. Рекордот од 73 поени на еден меч е од 1978-ма година.

Сепак овие бројки на Србинот одат во втор план, бидејќи само тој беше на висина на задачата во својот тим. 

На спротивната страна домаќините славеа благодарение на тимскиот учинок на Пул со 39 поени, Шампањ имаше 23, а Валанчиунас 20.

Денвер е деветти во Западната конференција со 11 победи и 10 порази, а Вашингтон е последен на Истокот со скор 3-18.

Од зад табла им даде кош. Луда работа. 

8 декември 2024 - 11:01

Штета ако сте пропуштиле

Плукни си!

Одберете си пропаганда по мерка

Македонски роботизирани единици за брза интервенција

А со нерви како стоите?