Околу 10.000 навивачи на Црвена звезда синоќа го бодреа својот клуб на реваншот во Австрија. Првиот меч против Ред Бул Салцбург во Белград заврши 0-0, a синоќа откако домаќинот имаше 2-0, гостите во 77 секунди постигнаа два идентични погодоци и после 27 години се пласираа во групната фаза од ЛШ.
По синоќешниот историски пласман на Црвена Ѕвезда во ЛШ, која за прв ќе игра во групна фаза во новиот формат, помошникот тренер на клубот Милан Косановиќ го ископира Гери Линекер која ја кажаа онаа славна изјава за Германците. Каков цар, си кажа по свое и му кидна на новинарот.
Хуеска е името на новиот и најмалиот шпански прволигаш во историјата. Игра на стадионче со капацитет од 5.000 седишта и е непоразен по првите две кола. Голов е бајат веќе три дена, ама не може да не се објави. Многу сме пропуштиле. Го постигна извезен Авила за конечни 2:2 против Атлетик Билбао. Секоја чест.
Имаме скопска љубов со миланско градско ривалство. Фани е за Милан, Марија за Интер, а една од првите тестови за тоа дали вистински се сакаат ќе биде толеранцијата кон плакарот, кој ќе држи дресови од две екипи кои воопшто не се сакаат.
Едните се Инфериоре, другите Супериоре а третите познати под името Суд (во превод Југ). Причините за тоа што овие три фракции тифози на Палермо не се поднесуваат меѓу себе се нејасни, а нетрпеливоста кулминирала на гостувањето во Салерно минатиот викенд кога се степале меѓу себе.
Кога кај нас за стадион ќе се каже „Планот е да се реновира“, едно 5-10 години се вергла тој план чисто како муабет и на крај прашање е и дали стварно ќе се реновира. ФК Победа лани направи кам бек во прва лига, ама играше кај ќе стигне, само дома не.
И покрај тоа што остана верен и доследен до традицијата, до принципите и вредностите, Клаудио Маркизио не можеше да фати чекор со обидот на Јувентус глобално да се модернизира, обид во кој нема место за сентименти.
Се вика Жунињо Бакуна, има 21 година и синоќа дебитираше за Хадерсфилд против Стоук во Лига Купот на најлош можен начин. Не дека на голманот му беше таму местото, ама Жунињо реагираше како прв пат да фаќа топка.
По триумфот над Лестер во отворањето на сезоната, Манчестер загуби на гости од Брајтон 3:2 па дома од Тотенхем 0:3. Резултати по кои се знае дека ќе следува прес конфренеција во негов стил.
Стадионот на Рајо Ваљекано, „Кампо де Ваљекас“ се наоѓа во предградие на Мадрид на 5 км од центарот на градот, на 4-5 метро станици. Челните луѓе на Ла Лига го затвориле овој стадион во текот на новата сезоната, а основна причина за тоа е - недовршениот ремонт.
Во Купот на Мексико, Монтереј со 3-2 го совлада Венадос, а вториот гол за гостите кој го даде Виљафана беше ист како кога на ФИФА или ПЕС ќе ги побркаш копчињата.
Малку фудбалери успеале да го освојат врвот во кариерата за толку кусо време, но потоа и да се соочат со пад кој никој не го посакува. Овен беше маестрален и споредуван со Роналдо, но кариерата ја заврши во Стоук. Неславно.
Премиер лигата или ќе му донесе поздрава плуќа и заштеда или пак може ќе му направи “услуга“ како што му направи еднаш Лајпциг, бидејќи Сари во просек издржува само 12 минути без цигара во рака.
Викендов паднаа два гола кои конкурираат во трката кој е поубав. Едниот го даде Камило Санвецо во мексиканскиот фудбал, на дуелот меѓу Керетаро и Лобос од слободен удар. А вториот го даде Никола Миленковиќ од Фиорентина против Киево.
Едногодишната авантура во Милан и покажувањето среден прст навивачите (веројатно) ќе ги заборават. Лани го сметаа за предавник, но од викендов тој е оној истиот старо нов Бонучи, укотвен до Кјелини во одбраната на Јуве. Лео им се извини по мечот со Лацио, а повратните аплаузи значеа прифатено.
Во најновата веќе кој знае која комична и нелогична епизода од романскиот фудбал е овој фаул направен во втората лига. Најјакото е што тренерот се извини, демек добро крив сум и заслужувам црвен картон. Што значи најнормално е тој да интервенира по потреба.
Како да беше вчера кога го гледавме Диего Симеоне во Серија А каде ги носеше дресовите на Интер и Лацио. Но времето лета, а на чизмата веќе трета сезона игра неговиот син и наследник. Џовани Симеоне со целосна семејна поддршка од ложата на Артемио Франки од татко му, мајка му и ќерка му. Даде и гол за 6:1 против Киево.
Ако треба да се изберат две лоши или најлоши голмански интервенции од колово, веројатно овие се тие. Самир Хандановиќ на мечот Интер - Торино и Јохан Пеле на Марсеј - Рен. Првиов несвојствено за него излета како мува без глава, а вториов беше несмасен. И двете средби завршија 2:2.
Големото дерби на португалскиот фудбал меѓу Бенфика и Спортинг заврши 1-1 и тоа по заслуга на Ромен Сален. Овој 34-годишен голман стана прв избор во Спортинг по заминувањето на Руи Патрисио во Вулверхемптон. Нашиот Стефан Ристовски одигра цел меч и беше меѓу подобрите во својата екипа.
Што чудна (фудбалска) земја ќе бевме. Скоро 30 години не можеме да стасаме до пласман на едно Европско, клупскиот фудбал ни е тиња, женскиот како да не постои, а сепак имаме велемајстори. Прво Аце, а сега Наташа и тоа два пати. Директно од корнер.
Езџан Алиоски игра во животна форма под водство на Марсело Биелса. Откако постигна ефектен гол минатото коло, Алиоски денес одново беше прецизен и му донесе на Лидс водство од 0-2 на гостувањето кај Норич.
