При првиот таканаречен прозор на ФИФА во кој само мал број среќници избрани на лотарија стекнаа право да можат да купат карти и притоа да ги видат цените за фудбал на Светско 2026 во САД, Мексико и Канда, некои искористија да ги прикажат јавно сумите за карти за Мундијалот. Многу поскапо отколку претходниот.

Ламберто Боранга ќе влезе во Гинисовата книга на рекорди како највозрасниот голман кој некогаш чувал гол на некој италијански и општо кој било светски клуб.

Најнормална работа е кога Баерн Минхен победува, Хари Кејн да биде меѓу стрелците со минимум еден гол. И викендов стрелаше на гости против Ајнтрахт и сега на конто има 18 комада постигнати на само 10 меча. Рене Мариќ му е асистент на Компани. Погледнете му ја реакцијата.

Ако Европјаните се жалат на полициска репресија на фудбалски натпревари, чекај нека погледнат што се случува во Могадишу на фудбал.

Во текот на натпреварот кое требаше да биде дерби на колото во првата женска фудбалска лига на Македонија а кој Љуботен го доби 8-0 против АС од Струга, 16-годишната Меланија Грозданова постигна прекрасен еврогол на кој ѝ завидуваат и машките фудбалери. ЖФК Љуботен после 8 кола е прв на табела без пораз, а Меланија Грозданова која претходно играше во Истатов а сега во ЖФК Љуботен важи за една од најталентираните млади македонски репрезентативки.

Ѓезтепе е најпријатно изненадување на старт на сезоната во турската Супер лига. Трети се на табела, без пораз на 8 натпревари (4 победи, 4 нерешени) и имаат 16 освоени бода. На дуелот против Истанбул Башакшехир Бразиелцот Хуан Сантос да Силва прво промаши пенал во 26' минута а само 17 минути подоцна, во 43-та постигна прекрасен погодок од пола терен.

Поточно, молчи додека не именуваме подобар фудбалер од среден ред од тебе. Ајде:

Трофеи, медали, разни индивидуални награди, дресови, топки, копачки, капчиња...Го гледаш клипов и сфаќаш колку уствари тежеше Вејн Руни во Премиер лигата и општо во фудбалот. Играчиште.

Фалконот беше најдобар шпиц на светот во еден момент. Расен стрелец, голгетер од кого се тресеа голманите. Играше за Ривер Плејт, Атлетико Мадрид, Монако, Манчестер Јунајтед, Челси, Галатасарај, Рајо Ваљекано и сега на 39 години е во домашниот Миљонариос. Тој раскажа за прекрасниот гол кој за Монако го даде против Манчестер Сити на гости во Лига на шампиони. Лоб на сезоната беше тогаш.

Забавата на прес прес конференциите од Турција се сели во Португалија. Малку треба да го чепне човек Мурињо за да се отвори.

После неколку слаби натпревари, Севиља реши да го отпушти тренерот Хоакин Капарош кој беше дури седми отпуштен тренер во последните три сезони. Андалузијците никако не можат да го најдат рецептот за успеси кој го имаа во минатото. Сега се надеваат дека 51-годишниот Матијас Алмеида ќе ги крене. Тој со мотивациски говор во соблекувалната ги мотивирал играчите да ја разбијат на крајот Барселона со 4-1!

Тренерот на Реал Мадрид Чаби Алонсо некогаш важеше за еден од најдобрите играчи од среден ред во своето време. Сега на играчите на тренинг им демонстрираше што значи добар прием.

Мајк Мењан vs Федерико Гати. Од сите агли. Страшен рефлекс извади Французинот.

Јувентус и Милан го одиграа најдосадниот резултат во фудбалот, а тој е без голови. Пулишиќ промаши пенал, ама затоа Лука Модриќ нема шанси да промаши свој човек.

Њукасл го совлада Нотингем Форест со 2:0. Вториот гол го даде Ник Волтемоде од пенал. Проба голманот да го деконцентрира, ама само го мотивираше дополнително.

Од љубов до омраза толку малку треба, пееше легендарниот Џеј. Низ такво нешто проаѓаат навивачите на Порто со Мурињо. На 13-ти септември пред неполн месец дена, Жозе Мурињо нивниот легендарен тренер кој им донесе Куп на УЕФА и пехар во Лига на шампиони, им беше гостин на „Драгао“. На големи видео бимови одеа најинтересните моменти од неговата тренерска кариера во Порто.

Интер Мајами синоќа со 4-1 го совладал тимот на Њу Ингланд. Два гола дал Тадео Аљенде, два дал некогашниот лев бек на Барселона Жорди Алба а дури три асистенции имал големиот Лео Меси. Сезонава во МЛС лигата во САД Меси има 24 гола и 14 асистенции на 26 средби.

Пет кандидати, пет одлични голови конкурираа за признанието гол на месец септември. Го добива Бразилецот Габриел Мартинели за маестралниот лоб на големото дерби против Манчестер Сити (1-1).

Со голот на Расмус Хојлунд во 75-та минута Наполи на многу тежок начин ја совлада Џенова со 2-1 и остана лидер на табелата. Откако е дојден во Наполи Данецот постигна 5 гола и уште еднаш докажа дека неговите слаби игри во Манчестер Јунајтед биле рефлексија на лошата атмосфера во англискиот клуб. Во Неапол игра како препорден. А Џенова која прва поведе во 33-та минута со голот на Џеф Ехатор покажа неверојатна воиграна акција. Израмни Ангуиса со гол во 57' минута.

Лил и ПСЖ одиграа 1:1 во 7. коло од францускиот шампионат. Гостите поведоа преку Нуно Мендеш во 66-та минута, кој постигна еврогол. Израмни 18 годишниот Итан Мбапе на 5 минути до крај. Килијан беше во еуфорија за голот брат му кој го спречи фаворитот да си оди дома со 3 бода.

Фудбалерите на актуелниот шпански шампион Барселона претрпеа тежок пораз на гостување во Андалузија. Севиља после ги декласираше со 4-1 (2-1). Победа на домаќинот им ја донесоа Алексис Санчез во 13-та минута, Исак Ромеро во 36-та, Хозе Анхел Кармона во 90-та и Акор Адамс во 90+5' минута од судиското продолжение. Гол за Барса даде Маркус Рашфорд на истекот на првиот дел.

Две недели откако го постигна деби голот за новиот клуб во Лига Купот против Хиберниан, Бојан Миовски за прв пат стрелаше за Ренџерс и во шкотската Премиер лига. Македонскиот напаѓач во 41 минута го отвори резултатот на гостувањето против Фалкирк, но гостите израмнија на 17 минути до крај.

По тешкиот историски пораз од Атлетико Мадрид (5:2) во градското дерби, Реал Мадрид се издигна и најпрво славеше на далечното гостување кај Каират Алмати во Казахстан во Лига на шампиони (0:5), а синоќа и на „Сантијаго Бернабеу“ 3:1 против сериозниот Виљареал.