Голманот на руската репрезентација, Вјачеслав Малафеев смета дека клучот на успехот на овој состав во досегашниот тек на првенството, но и во изминатиов период е квалитетот на селекторот, Дик Адвокат, кој за негова жал по завршувањето на турнирот се сели во татковината и ќе го преземе ПСВ Ајндховен.

Судот во Варшава по брза постапка изрече 14 пресуди за хулиганите кои беа уапсени за време на нередите низ улиците на полската престолнина. Најголемиот дел од пресудите се изречени за кршење на јавниот ред и мир и висината на затворските казни се движи во период од 12 месеци до три години.

Дисциплинската комисија на УЕФА, најави санкција за напаѓачот на данската репрезентација, Никлас Бендтнер, кој по постигнувањето на вториот гол против Португалија ги покажа гаќите на кои беше испишано името на една обложувалница.

Со триумфот од 2:1 против големиот ривал, Холандија, репрезентацијата на Германија стигна до втората победа на Европското првенство во Полска и Украина и успеа да се пласира во втората фаза од натпреварувањето. Холанѓаните уште еднаш потфрлија, но сепак и по овој неуспех се уште имаат надеж за продолжување на настапот, но потребни им се три бода во мечот со Португалија.

Раководството на Барселона потврди дека Тито Виланова, наследникот на трофејниот тренер, Жозеп Гвардиола на клупата на тимот од Ноу Камп ќе седи во следните две сезони.

Поранешниот тренер на Шалке, Ралф Рагник смета дека основната причина за неуспесите на репрезентацијата на Холандија на Европското првенство во Полска и Украина е фактот што нејзината игра лесно се чита од противничките тренери, кои бргу го наоѓаат одговорот на тактичката замисла на селекторот, Берт ван Марвијк.

Германската канцеларка, Ангела Меркел денеска на своето работно место се појави со портокалов костум и предизвика чудење во домашната јавност. Јасно дека никој не очекувал дека канцеларката на работа ќе дојде во дрес на националниот тим, но сигурно е дека најмалку се очекуваше дека таа ќе биде ги носи боите на противничкиот тим.

Дисциплинската комисија на УЕФА за инцидентите пред натпреварот со Полска на Руската фудбалска асоцијација и изрече парична казна во висина од 120.000 евра, плус условна казна со одземање на шест бода во квалификациите за Евро 2016 доколку во следниве четири години се повтори сличен инцидент.

Пред дуелот од второто коло во А групата меѓу Полска и Русија, Варшава наликуваше на бојно поле. Стравувањата дека низ улиците на главниот град на Полска ќе се случуваат сериозни инциденти се реализираа и епилогот на низата физички пресметки е десетина повредени и 159 приведени навивачи од двете страни.

Полска и Украина се домаќини на 14-тото Европско првенство во фудбал и пред неговото завршување ова натпреварување ќе влезе во историјата како последно на кое учествувале 16 селекции. Веќе за четири години во Франција на Евро 2016 во битката за титулата ќе бидат вклучени 24 национални тима.

Напаѓачот на италијанската репрезентација, Антонио Касано, изрази жалење ако неговата изјава околу тоа дека се надева дека во националниот тим нема хомосексуалци е погрешно протолкувана и дека воопшто немал намера некого да навредува.

По поразот од Украина на стартот од Европското првенство, шведските репрезентативци имале жестока расправија во соблекувалната, а кавгата почнала уште во паузата меѓу двете полувремиња кога тешки зборови си размениле Златан Ибрахимовиќ и Маркус Розенберг.

По завршувањето на натпреварот со Англија, францускиот репрезентативец, Самир Насри го објасни гестот што го направи при постигнувањето на израмнувачкиот погодок, кога со прстот покажа дека треба да се замолчи.

Веднаш по натпреварот селекторот на украинската репрезентација, Олег Блохин изјави дека вечерта пред стартот на мечот сонувал дека Андреј Шевченко против Шведска ќе постигне два гола. Украинците имаа старт од соништата на првенството бидејќи на стадионот во Киев успеаа да забележа победа од 2:1 иако противникот на стартот од второто полувреме имаше водство.

По ремито против Франција, англискиот селектор, Рој Хоџсон задоволен од епилогот на натпреварот, изјави дека е горд на своите фудбалери, кои успеале да освојат бод во дуел со еден од најталентираните тимови на Европското првенство. На спротивната страна, Лоран Блан смета дека на неговиот тим бил подобар противник и дека жали што Франција на крајот не ги освои трите бода.

Холандскиот репрезентативец, Рафаел ван дер Варт реши јавно да го искаже незадоволството од статусот во националниот тим и изборот на селекторот Берт ван Марвијк првиот натпревар на Европското првенство против Данска да го почне од клупата за резервни играчи.

Стрелецот на единствениот гол за Шпанија во дуелот против Италија, Сеск Фабрегас причината за просечната игра во првиот настап на Европското првенството е лошиот квалитет на теренот во Гдањск.

Селекторот на репрезентацијата на Шпанија, Висенте дел Боске, веднаш одговори на критиките кои беа упатени на негова сметка, а се однесуваа на изборот на тактиката со која се спротивстави на првиот натпревар на Европското првенство против репрезентацијата на Италија.

Новиот капитен на англиската репрезентација, Стивен Џерард свесен за квалитетот на противникот во првиот настап на Европското првенство, истакнува дека евентуалниот пораз од Франција нема да биде решавачки за конечната разврска во групата Д каде настапуваат уште селекциите на Украина и Шведска.

Тренерот на Реал Мадрид, кој на Европското првенство во Полска и Украина е ангажиран како стручен коментатор на телевизиската станица Ал Џезира ја критикуваше тактиката на шпанскиот селектор, Висенте дел Боске и потенцираше дека изборот да се почне натпреварот против Италија без ниту еден класичен напаѓач е погрешен.

Европската фудбалска асоцијација најави дека ќе покрене дисциплинска постапка против фудбалските федерации на Германија и Португалија и дека двете асоцијации се соочуваат со евентуална казна.

Португалскиот репрезентативец, Пепе по поразот од Германија изјави дека противникот не ја заслужил победата бидејќи во текот на целиот натпревар двата тима биле рамноправни и дека двете селекции на крајот требале да освојат по еден бод.

Иако во моментов во центарот на вниманието на спортската јавност на Стариот континент се натпреварите на Европското првенство, објавени се податоците за гледаноста на 16 национални првенства. Според неа најголем пад на посетеност на стадионите има во Грција додека рекорден пораст е забележан во Украина.

Репрезентацијата на Данска со победата од 1:0 во дуелот против Холандија го направи првото големо изненадување на 14-тото Европско првенство. Натпреварот беше решен во 24-тата минута, а стрелец на голот беше Михел Крон Дели.