Тоа што минатиот месец го најави Европската куќа на фудбалот, денеска стана и официјално. Европското првенство во 2020 година ќе се организира на сосема поинаков начин. Претседателот на УЕФА соопшти дека ова континетално натпреварување за прв пат ќе се одржува во 13 различни градови, распределени во 13 земји.
Стадионите кои бидат избрани ќе мора да имаат капацитет од најмалку 50 илјади седишта.
„Ова ќе биде одлична можност за многу земји кои до сега не успеале да го добијат екслузивното право за организација на еден ваков настан", рече Платини.
Двете полуфиналиња и финалето ќе се играат во истиот град, а одлуката за тоа кои ќе бидат 13 земји домаќини на Европското за седум години ќе биде донесена во септември оваа година.
