Бразилскиот ас се вклучи во хуманитарната иницијатива, во која многу јавни личности собираат средства во борбата против Лу Гериг болеста т.е. латералната склероза. Најхрабро одигра Леброн Џејмс кој го предизвика Барак Обама.

Според навивачите на ПСВ кога се оди на стадион треба да се гледа фудбал, а не да се дреме на фејсбук и твитер. И во право се.

Манчестер Сити, Ливерпул и Арсенал успешно ја почнаа новата натпреварувачка сезона во домашното првенство. Јунајтед по старо, загуби од Свонси на домашен терен, а првото коло ќе го комлетира составот на Мурињо кој оди на гости кај Барнли.

По неколку неуспешни обиди да доведат засилувања, раководните лица на клубот од Торино може да бидат тужени во ФИФА поради нерегуларно преговарање со играч на португалскиот клуб.

Припадник на секцијата Лас Антенас починал во болница откако бил застрелан, по судирот меѓу две спротивставени фракции на аргентинскиот второлигаш Нуева Чикаго. Повредени се уште четворица навивачи на клубот кој е познат по црната хроника.

За овој викенд од Спорт на ТВ ви го предлагаме ракометното скопско дерби, полуфиналињата во Синсинати во тенис, ЕП Атлетика, како и натпревари од првото коло во Премиер лигата и второ коло француско првенство.

Аргентинската икона ќе игра во елитно друштво на активни и поранешни ѕвезди, а вишокот килограми се обидува да ги скине во теретана.

Викендов, со натпреварот Манчестер Јунајтед – Свонси (сабота, 13.45ч) ќе стартува лигата поради која после ручекот, ги бркаме девојките или жените во другата соба, легнуваме во сабота и недела закотвени пред ТВ и не мрдаме од кревет. Освен ако не одиме на поправно до кладилница.

Богатата колекција со дресови од бразилската ѕвезда е направена од реплики на сите негови досегашни клубови Гремио, ПСЖ, Барселона, Милан, Фламенто, Атлетико Миниеро и Бразил. Ги собра најголемиот негов навивач Џовани Токохуа кој успеал да купи 78 комада, а сликата на фејсбук ја постираше Роналдињо.

По враќањето од Солун, каде Интер играше пријателска средба против Паок, поранешниот српски репрезентативец Немања Видиќ се заглавил во лифт.

Без помошта на Пума, италијанската фудбалска федерација тешко ќе успееше во намерата да го промовира Антонио Конте во нов селектор на репрезентацијата. Ова не е прв случај една спортска компанија да помогне при ваквите договори.

Бразилските фудбалери ги пука носталгија кога играат далеку од дома. Робињо се потзагуби во Милан, летово се опушти и се здебели, но за брзо време се врати во голгетерска форма во матичниот Сантос. Неговиот клуб победи со 2:0 против Лондрина во купот, а Робињо постигна убав гол и асистенција.

Бразил и Германија повторно летово се соочија на едно Светско првенство, овој пат за жени до 20 години. Германките блеснаа слично како нивните постари колеги со 5:1, а потегот на мечот го имаше Бразилската Бјанка.

Иако можеби тоа од насловот ви звучи фино, сепак не се работи за секс по избор и желба. Фудбалери од Гана тоа го прават под присила со проститутки, а истовремено мора да продаваат и дрога за да преживеат во азиската земја каде заминале да градат кариера.

Еден од најпознатите фудбалски работници во историјата на Германија, Ули Хенес се наоѓа зад решетки поради затајување данок, а во затворот ќе може и да заработува.

Ждрепката за второто коло во Лига купот на Мк Донс му ја донесе четата на Луи ван Гал, а играчите полудеа и снимката од реакцијата ја објавија на Инстаграм. За „Црвените ѓаволи“ кои го освоија ова натпреварување во 2010 година, ова е прв пат по 19 години да играат во оваа фаза од купот, а за нисколигашите, 25 август за кога е закажан мечот, ќе биде празник.

Новиот член на Сампдорија, Емилијано Вивјано не сака големи броеви, па го избра бројот кој обично нè потсеќа на Кафу, Гери Невил, Панучи...

Спортските настани кои ви ги најавуваме за денес се, тениските дуели Мареј – Изнер и Џоковиќ – Робредо во машка и Серена Вилијамс – Флавија Пенета, Шарапова – Пављученкова во женска конкуренција, потоа фудбал од Русија и Швајцарија, ракомет од Струга и ЕП Атлетика.

Според најновото рангирање на Светската куќа на фудбалот, Македонската фудбалска репрезентација се наоѓа на 76. позиција.

По првите 1:1 на гости против парагвајскиот противник Национал, фудбалерите на Сан Лоренцо со минимален триумф на реваншот од финалето, стигнаа до првиот пехар во Копа Либертадорес во нивното 106 годишно постоење.

Со петиција потпишана од 60 илјади симпатизери на Шефилд Јунајтед, од управата на англискиот клуб се бара да не го враќа затворениот Чад Еванс во екипата.

Навивачите на Даг ен Ред и Брентфорд гледаа четвртолигаши на дожд во англискиот Лига Куп. Но парите за картата никогаш нема да ги жалат, затоа што видоа 12 голови (6:6 конечен резултат), а потоа на пенали уште 6 (Брентфорд оди понатаму со 4:2). Во македонска прва лига не можат во цело коло да дадат толку голови. Во првото коло паднаа 9, а изминатиов викенд 10 голови.

Фудбалската федерација на Украина побара од УЕФА и ФИФА да го казни Рускиот фудбалски сојуз кој си присвои три клубови.

Во фудбалот, никој не продава како португалскиот гигант. Од година во година, „змејовите“ поставуваат високи стандарди во категоријата купи евтино – продај скапо. Порто на Милан му продаде играч кој го купил 50 пати поевтино.