За селекторот Висенте дел Боске сè тргна по лошо во Бразил, кога во јуни, Холандија ги декласираше 5:1 во натпревар од групата. Следуваше пораз и од Чиле 2:0 исто во Рио де Жанеиро и од тогаш почнаа слабите настапи. Во следните пет месеци, Шпанија губеше од Франција, Словачка, Германија и за прв пат од 1991. година во една сезона имаат 5 порази. Избраниците на Дел Боске вкупно во 2014. година имаат 7 победи и 5 порази.
Шпанија годинава ги победуваше Боливија, Ел Салвадор, Македонија, Австралија, Луксембург и Белорусија. Црвената фурија сезонава даде 22 гола а прими 12. Педро и пензионираниот Давид Виља се најдобри стрелци годинава со по 3 гола. На местото од Чави и Чаби Алонсо, дојдоа Иско и Иљараменди, фудбалери на Реал Мадрид.
Откако Висенте Дел Боске е селектор, за шпанската репрезентација дебитираа 54 играчи, вклучувајќи ги и вчерашните настапи на Нолито од Селта Виго, Игнацио Камачо од Малага и Франциско Кико Касиља, голманот на Еспањол.
Поради повреда, Давид Де Хеа не беше викнат во репрезентацијата, а Касиља влезе во 77. минута наместо капитенот Касиљас. По неговата грешка, Германија поведе и победи 1:0 во 89. минута. Деби за заборав на Кико Касиља и година за заборав на Шпанија.
