По хет-трикот на минатиот натпревар, Горан Пандев продолжува голгетерски и на денешниот куп меч против Дијарбакир. Во 31 минута тој го отвори резултатот откако ја избегна офсајд стапицата и го легна голманот. 

За разлика од минатата сезона клубовите во најсилните европски лиги отпуштаат помалку тренери. На островот не избркаа ниту еден, а во француското првенство само еден тренер остана без работа.

По 17 одиграни кола, бундеслигашите отидоа на зимска пауза до крајот на јануари. На табелата води Баерн Минхен со 45 бодови, 11 повеќе од вториот Волфсбург, а Александер Мејер од Ајнтрајт Франкфурт е прв стрелец со 13 голови,  Ова е колекцијата на најдобри погодоци од сезонава.

Фудбалската федерација на Македонија вечерва ќе ги додели признанијата за најдобрите во изминатава година.

На изборот за најдобар спортист во историјата на скандинавската земја според весникот Дагенс Нихетер (Денешен весник) победи Бјорн Борг, петкратниот шампион на Вимблдон, а зад него е корпулентниот Ибрахимовиќ. За Бјорг, Златан е поголем од ИКЕА.

Палестински репрезентативец бил откриен дека истовремено игра за два различни клуба од Израел и Палестина.

Сините од Лондон претходно на три пати ја освојуваа титулата во Премиер лигата, откако беа први на табелата за време на Божиќните празници. Во 22 сезони досега во Англија, 10 екипи го кренале пехарот на крајот, по лидерството на Божиќ.

Поранешниот тренер на Баер Леверкузен не успеа во првиот обид да биде тренер во Англија. Финецот летово потпиша 3-годишен договор со второлигашот Брајтон, но даде оставка по само 6 месеци и една победа на последните 18 натпревари во Чемпионшип дивизијата.

На Бразилец да не му дадеш да игра на хуманитарен меч со копиљаци. Ќе ги изработи како бавча.

Фудбалерите на Наполи го освоија италијанскиот Супер куп против Јувентус, кој се играше во Доха. Екипата од југот на Италија славеше 6:5 на пенали по двете серии, откако во регуларните 90. минути беше 1:1, а после продолженијата 2:2. Прославата, типично наполитанска.

Со головите на Џон Тери и Фабрегас Челси вчера го победи Стоук 0:2, а домашните фудбалери не можеа да се помират со резултатот, па фрустрациите ги демонстрираа преку груба игра.

Парма, Елче, Лестер и Каен се дел од екипите кои новата година ќе ја дочекаат на дното на табелата во европските лиги. Со истите маки ќе влезе и осминафиналист од Лигата на шампионите кој пред две сезони стигна до финале.

Спортскиот сајт WeTalkFootball преку 15-минутно видео направи ретроспектива на големите настани што се случија во фудбалскиот свет годинава. Изборот е направен според најтвитаните случувања од јануари до декември 2014. година.

Италијанецот годинава го водеше Реал Мадрид до четири титули во сите натпреварувања, што е најдобро остварување на кралевите во 112-годишната историја. На Реал му фалат уште три победи за да го срушат Гинисовиот рекорд на Коритиба од Бразил по бројот на последователни триумфи.

Рајо Ваљекано во саботата загуби 1:3 дома од Еспањол, а бекот на домашните, Квини во еден момент место топката го собра својот тренер Пако Хемез. И тоа со две нозе.

Пред вечерашниот дуел со Стоук, Португалецот вели дека не знае за кој играч да се одлучи, затоа што сите се во одлична форма, но истовремено вели дека не се плаши од фрустрирани играчи што не играат редовно. Челси сезонава загуби само еден натпревар во сите конкуренции.

Поранешниот капитен на Македонија, во интервју за CalcioNapoli24 зборува за скандалозното финале од италијанскиот Супер куп во кое по две години вечерва повторно се среќаваат Наполи и Јувентус. Анализира тренери, ги споредува турскиот и италијанскиот фудбал и демантира заминување од Истанбул во јануари.

21-годишниот Бразилец чекаше повеќе од една година за да се адаптира на новата средина. Повредите и проблемите го држеа во позадина, но овој декември со 4 погодоци стана главен адут на Лацио во борбата за третото место кое обезбедува ЛШ догодина. Милан се на 7-мо.

Серхио Рамос и Герет Бејл му донесоа на Карло Анчелоти нова, втора титула на Светското клупско првенство, откако кралевите во финалето го совладаа Сан Лоренцо со 2:0. 18. меѓународен трофеј за Реал, кој сега се израмни со Милан по бројот на титули освоени надвор од својата земја.

Ниту едно име не е залутано на листава. Сите беа дел од кремот, но годините ги стасаа па копачките почнаа да ги закачуваат на клинец. Абидал го победи ракот, Занети и Гигс трчаа до 40, а Ривалдо им водеше инает на годините и се повлече на 41.

Французинот кој играше за Монако, Јувентус, Арсенал, Барселона и Њујорк Ред Бул, а има повеќе награди од Зинедин Зидан, Ерик Кантона и Мишел Платини заедно.

Шчесни, Фламини и Мертезакер се играчите на Арсенал што ја снимаа највата за Боксинг деј, празничното коло во Премиер лигата. Целата акција е дело на спортската телевизија БТ Спорт од Лондон, а триото „топџии“ открија кои им се омилени божиќни песни. Шчесни на снимањето додаде дека Лукас Подолски бил најголем плачко во екипата, затоа што се жалел дури и на празниците што доаѓаат.

Во пресрет на неделното Tyne-Wear дерби меѓу омразените ривали Њукасл и Сандерленд, домашниот состав се соочува со проблеми околу составот кој ќе го почне дуелот. Алан Ширер е горд на одлуката на неговиот Њукасл кој нема друг избор за првиот состав, освен да ги пушти децата.