Реал Мадрид загуби од ЦСКА Москва со гол кој го прими на своја грешка по само 65 секунди игра и тоа е најбрзиот погодок во последните 11 години во Лигата на шампионите.
Има уште еден поразителен податок поврзан со истата временска дистанцаа, а тоа е дека од 2007-ма година не се случило Реал да влезе во серија од три меча без постигнат гол.
65 - Nikola Vlasic’s goal after 65 seconds is the fastest Real Madrid have conceded in the @ChampionsLeague since March 2007 (Roy Makaay, 10 seconds). Shock. pic.twitter.com/luzfGrGyth
— OptaJose (@OptaJose) October 2, 2018
Тогаш под водство на Фабио Капело на 20 декември годината ја завршија со тежок пораз од 3:0 од Рекреативо Хуелфа, а новата година ја почнаа со пораз од Депортиво, а потоа реми со Реал Бетис.
Овој пат со Лопетеги за седум дена одиграа три меча на кои не ја затресоа мрежата. Загубија 3:0 од Севиља, па ремизираа против Атлетико и синоќа беа поразени од ЦСКА Москва.
Никогаш во ерата на Кристијано Роналдо, Реал не влегол во ваква лоша серија, а излезе и еден податок дека Кралевите синоќа прекинале и голгетерска низа од 30 средби во ЛШ.
For the first time in 11 years, Real Madrid have failed to score in three consecutive matches! 😳 📷 [@Sport360] #RMUCL pic.twitter.com/Q8NfLkryXR
— Real Madrid News (@onlyrmcfnews) October 2, 2018
Згора на се Реал во Москва настапи без повредените Бејл, Иско, Рамос и Марсело, а добра вест е што повредата на Велшанецот од мадридското дерби не е сериозна и тој се враќа во сабота против Алавес.
Факт е дека Роналдо постави високи цели на Бернабеу, ама што правиме со овој факт?
Замислете Карим Бензема на последните 6 средби како стартер ни еднаш не успеал да го погоди голот. Ниту еден од неговите 15 обиди не му е во рамки на гол.
