Руската фудбалска федерација потпишала договор со британската фирма Снузбокс Холдоинг за изградба на капсула хотел во градот Саранск.
Станува збор за мобилен хотел, кој ќе има 2 илјади соби со 3 ѕвезди, а целиот комплекс ќе содржи уште и ресторани, фитнес сала, базени, видео бимови како и голем број маркети.
Подвижните хотели се прикладни со тоа што немаат потреба од рамен терен, вода и струја, елементи кои се вметнати во самиот хотел, а нивната практичност се докажа во Олимпиското село за Летните игри во Лондон 2012. година.
Целосната изградба на хотелот ќе изнесува околу 2 милиони евра.
Инаку, Саранск ќе биде еден од 11. градови домаќини на континенталното натпреварување кое ќе трае 32 дена.
Саранск е главен град на областа Мордовија, оддалечен е 600км источно од Москва и има околу 300 илјади жители.
Во план е новиот стадион кој ќе се гради во овој град за потребите на Мундијалот, да има капацитет од 45 илјади столчиња, а ќе биде сместен крај реката Инсар.
