Фудбалската правда е задоволена. ПСЖ оди во четвртфинале затоа што беше подобар тим во двомечот против Ливерпул и заслужено славеше на пенали.
Црвените имаа бројни шанси пред своите навивачи на „Енфилд Роуд“ но не ги искористија. ПСЖ искористи една од своите прилики и го однесе мечот во продолженија па на пенали.
А таму, Дарвин Нуњез шутираше исто како што шутира од како е дојден во Ливерпул, млако и безидејно. Џанлуиџи Донарума му одбрани нему и на Куртис Џонс, а кај ПСЖ сите изведувачи беа прецизни па парискиот гигант оди во ЛШ каде ќе го чека подобриот од двомечот Астон Вила/Клуб Бриж (првиот меч го доби Вила 1-3).
Лига на шампиони, осминафинале, резултат:
ЛИВЕРПУЛ - ПСЖ 0:1 (0:1), вкупен резултат 1:1, на пенали 1:4
/Дембеле 12'/
