Ван Бастен дојде во Милан од екипата на Ајакс каде ја започна својата кариера. Уште во првата сезона ги импресионираше навивачите на Милан и веднаш го освои Скудетото.
Популарниот холандски голгетер стана еден од клучните играчи на „Росоњерите", а на четвртфиналниот меч против Вердер постигна гол од пенал со кој до одведе својот тим во следната фаза.
Во својата кариера 3 пати ја освои Златната копачка и беше сметан за еден од најдобрите напаѓачи во Серија А и во светот.
Во Италија во тоа време се водеше голема битка помеѓу Милан и Наполи, односно Ван Бастен и Марадона. Првиот дуел го доби Холанѓанецот, а на реваншот поуспешна беше аргентисната легенда.
Во сезоната 1991/1992 постигна фантастичен гол во миланското дерби против Интер и истата сезона стана најдобар стрелец во Серија А со 25 погодоци.
На натпреварот против Гетеборг од Лигата на шампионите во ноември 1992 година, Ван Бастен постигна 4 гола од кои еден со „ножички".
Последниот натпревар во Серија А го одигра на 17 мај 1993 година против Рома кој заврши без голови. По четирите операции на ногата не успеа да ја санира повредата и мораше да се збогува со фудбалот на 28 години. Официјалното повлекување го соопшти во 1995 година.
Марко ван Бастен се поздрави со навивачите на Милан со 4 Скудета, 3 титули во Лигата на шампионите, 3 во Супер Купот на Уефа, 4 италијански Супер Купови и 2 Интерконтинентални Купа. Со селекцијата на Холандија го освои ЕУРО 1988.
Многу фудбалери споредуваа со него, а дел од нив според карактеристиките е Златан Ибрахимовиќ.
Во моментов Ван Бастен е тренер на екипата на Херенвен, а претходно беше на кормилото на Ајакс и 4 години го водеше националниот тим на Холандија. Во изминативе години многу често го поврзуваат со тренерската клупа на Милан.
