Фудбалер на ФК Скопје по име Рашид Содик даде интервју за нигериски медиум кое да бидеме реални може да помине само за 1 април.
Се работи за 22 годишен дефанзивец кој во зимскиот преоден рок дојде во Македонија како слободен играч, а претходно играл во Данска, Русија, Турција.
Дечково изгледа ништо нема прочитано за тоа кај дошол или па никој не бил искрен со него.
Лигата во Македонија не е меѓу врвните лиги во светот, како се најдовте таму?
Македонската лига е една од најдобрите лиги во светот, но луѓето не го знаат тоа. Играчите имаат многу можности овде. Ако играте добро може да се преселите во врвни клубови, а јас стигнав овде преку напорна работа.
Дали македонската лига е најдобра за еден млад Нигериец како тебе да се наметне?
Секако. Затоа што во Македонија има многу агенти од различни земји кои многу добро ги следат македонските лиги и видов многу млади играчи како мене кои од овде се преселуваат во врвните лиги. Лигата ми даде многу можности за да се изразам, а јас успеав да го оправдам мојот дрес најдобро што знам и затоа статистиката во моите настапи расте. Верувам дека нешто одлично ќе ми се случи, фокусот и посветеноста ми се засега приоритет.
Содик, ти си оценет како еден од најдобрите одбранбени играчи во македонската лига и во последните недели ги освојуваш наградите „Man of the Match“. Која е тајната на твојот успех?
Тоа е резултат на напорна работа и посветеност. Освен тренинзите со мојот клуб, практикувам и личен тренинг за да останам фит затоа што сакам да бидам најдобар на секој натпревар. Пораснав со знаењето дека успехот се припишува на напорна работа.
Каде се гледаш себеси во следните две години?
Се гледам себеси во еден од врвните клубови во Европа како Барселона, Челзи, Манчестер Јунајтед, Ливерпул, Манчестер Сити и Арсенал. Тоа е мојот сон, секојдневно работам да стигнам до тоа ниво и по Божја милост тоа ќе дојде.
Колку брзо гледате дека доаѓа голем потег на вашиот пат?
Не би сакал да зборувам многу за тоа, но она што можам да го кажам е дека тоа е можно наскоро.
Што ако за тебе се интересира некој друг клуб од македонската лига?
Секако дека ќе останам бидејќи лигата е многу добра. Добро ги разбрав техничките карактеристики на лигата и го играм најдобриот фудбал што можам.
Кој е вашиот модел на играч?
Тренерот на мојот вујко, Ентони Ушурхе, поранешен фудбалер и во моментов фудбалски тренер во САД.
