Меѓународното здружение на професионални фудбалери ги предупреди играчите да бидат многу претпазливи пред да потпишуваат договори со нов клуб. Тие дадоа негативно мислење и на фудбалерите не им препорачуваат да потпишат за клубови од Кипар, Грција и Турција, а посебно не за оние клубови што не играат во европските натпреварувања.
Нивните негативни пропораки се базирани на бројот на тужбите кои пристигнуваат во ФИФА, а се поднесени од фудбалери на кои не им биле исплатени платите според договорите кои ги имале со клубовите.
На право место според бројот на тужби, убедливо се клубовите од Кипар, а второто и третото место се резервирани за Грција и Турција.
„Бројот на спорови се зголемува секоја година. Клубовите не го исполнуваат ветеното. По неколку месеци клубовите снемуваат финансиски средства и не им ги исплаќаат платите на фудбалерите. Играчите често и ги исфрлуваат од нивните домови затоа што клубовите не плаќаат кирија", стои во соопштението на ФИФПро.
Ви звучи познато?
