Ова се само трансферите кои ги имаме од официјални извори, а откако ја објавивме вчерашната вест добивме неколку мејлови и пораки на Фејсбук со неофицијални информации за луди трансфери во македонските лиги. Знаете ли и вие некоја таква приказна? Пишете ни во коментарите под оваа статија.
Гери Палистер
Англичанецот направи милионски трансфер во Манчестер Јунајтед каде освои 4 титули од Премиер лигата, но на почетокот од неговата кариера во 1984-та година од матичниот клуб Билингем Таун премина во Мидлзборо за торба со топки и мрежа за гол.
Кенет Кристенсен
Норвешкиот напаѓач направи сензационален трансфер од еден во друг третолигаш во 2002-та година. Новиот клуб Флој на поранешниот клуб Виндбјарт му даде свежи ракчиња во количина колку тежината на фудбалерот.
Зет Најт
Поранешниот репрезентативец на Англија во 1999-та година од нисколигашот Рашал Олимпик направи трансфер во Фулам за 30 пара тренерки.
Јан Рајт
Рекордерот на Арсенал во 1985-та година потпиша за Кристал Палас откако неговиот нов клуб на нисколигашот Гринвич Боро му даде сет тегови.
Мариус Сиоара
Романските нисколигаши го договориле трансферот на нисколигашот во размена за 15 килограми свински колбаси. Кога следниот ден фудбалерот дознал за размената, одбил да потпише, па претседателот на неговиот нов клуб му побарал да му ги врати парите за колбасите.
Ион Раду и Ливиу Баичеа
Фудбалерите на Петросани во 1998-та година направија трансфер во Валчеа за 2 тона месо и 10 топки. Претседателот на поранешениот клуб го продал месото и со парите ги исплатил долговите кон останатите фудбалери.
Франко Ди Санто
Поранешниот аргентински репрезентативец и член на Челси на 14 години преминал од Суизо Тиро во Аудакс Италиано во размена за 2 мрежи за гол и 40 литри боја.
