Навивачите на Трабзонспор поставија нов рекорд во младинската УЕФА Лига на шампиони откако 40.368 гледачи го следеле дуелот меѓу младинците на Трабзонспор и Интер во четвртфинале на овој турнир.
Претходно рекордот го држеа навивачите на Реал Мадрид кој за дуел со младинците од Краснодар во сезоната 2017/2018 направија посета од 32.510 што беше неверојатен рекорд за еден меч на младинци.
REKOR ❤️💙
— Trabzon Büyükşehir Belediyesi (@TrabzonBelTr) April 1, 2025
Burası dünyanın en büyük futbol şehri #Trabzon pic.twitter.com/vv3YH7aJ01
Во оваа фаза од младинската УЕФА Лига на шампиони се игра само по еден натпревар, без реванши. Младинците на Интер иако беа фаворити, во Трабзон допатувале без своите стандардни првотимци Габриеле Ре Чечони, Мајк Аиду и Томас Беренбрух кои се прекомандувани во првиот тим на Интер за вечерашното големо полуфинале од Куп на Италија и градско дерби со Милан.
Интер имаше шанса да поведе во 39-та минута кога доби пенал по фаулот на Огузан Јилмаз над Матео Коки. Лука Топаловиќ ја намести топката на белата точка но голманот Ерол Џан Чолак му го одбрани пеналот. Ова беше втор промашен пенал на 19-годишниот словенечки фудбалер сезонава во младинската Лига на шампиони откако промаши и претходно против Баерн Минхен.
Трабзонспор носен од френетична поддршка на дури 40.000 навивачи дојде до гол во 77-ма минута кога фудбалерот кој влезе од клупата за резерви, Екрем Терзи шутираше а топката се одби од Христос Алексиу и заврши во мрежата на Интер. Конечни 1-0.
Sadece Trabzon değil, tüm Türkiye “Gol” diye ayağa kalktı!
— Abdulkadir URALOĞLU (@a_uraloglu) April 1, 2025
Teşekkürler Ekrem Terzi, Teşekkürler Gençler, Teşekkürler Trabzonspor U19… ♥️💙
Yolun sonu final inşallah. 🏆⚽️ pic.twitter.com/25rCPGE4w8
Трабзонспор се пласираше во полуфинале каде ќе го чека РБ Салцбург кој го совлада актуелниот шампион во младинската Лига на шампиони, Олимпијакос со 1-0.
Другите полуфинални двојки ги сочинуваат Штутгарт - Барселона и АЗ Алкмар - Манчестер Сити. Полуфиналињата се закажани за 25-ти април (петок) а големото финале е предвидено за 28-ми април (понеделник). Завршницата ќе се игра во „Коловрај“ спортскиот центар во Нион.
