ЛШ: Ќе задоцни ли логиката во Лондон и Минхен?

Со реванш натпреварите од осмина-финалето, вечерва продолжува елитната Лига на шампиони. Челси и Баерн Минхен имаат поволни резултати, но не и гарантиран пласман понатаму против ПСЖ односно Шахтјор.

ЧЕЛСИ - ПСЖ 20:45

- Првиот меч во Париз заврши 1-1, а стрелци на головите тогаш беа Бранислав Ивановиќ и Единсон Кавани.

- Евентуален пласман на Челси во четврт-финалето, ќе биде најубав подарок за навивачите кои денес ќе ја прослават 110-годишнината на клубот.

- Челси сезонава веќе го освои Лига Купот, а на добар пат е да ја врати и титулата на Стамфрод Бриџ.

- Мурињо по трет пат сезонава побара поголема поддршка од навивачите, за кои вели дека често се однесуваат како да се во театар, а не на фудбал.

- На последните шест средби во сите натпреварувања, Челси има четири победи и две нерешени, а ПСЖ има три нерешени и три победи.

- Челси вечерва ќе игра за четврто осмина-финале во последните пет години.

- Фудбалерите на ПСЖ ќе носат црн флор околу раката, поради трагичната смрт на француските Олимпијци во Аргенгина.

Можни состави:

ЧЕЛСИ - Куртоа, Ивановиќ, Тери, Кејхил, Аспиликуета, Рамиерс, Матиќ, Вилијан, Фабрегас, Азар, Коста.

отсутни: Микел (повреден)

ПСЖ - Сиригу, Максвел, Тиаго Силва, Маркињос, Ван дер Вил, Давид Луиз, Тиаго Мота, Верати, Матуиди, Кавани, Ибрахимовиќ.

отсутни: Орие и Лукас Мура (повредени)

БАЕРН МИНХЕН - ШАХТЈОР ДОЊЕЦК 20:45

- Баварците и Рударите немаа меѓусебен дуел пред оној во Доњецк пред две недели кога играа нерешено 0:0.

- Сите претходни 10 меча кои Баерн ги играше против украинска екипа, беа против Динамо Киев. Составот од главниот град на Украина само еднаш го победи Баерн Минхен, 3:0 во Супер Купот на УЕФА во 1975. година.

- Гвардиола покажа колку го цени Шахтјор со изјавата дека доколку тимот од Доњецк би играл во Бундес лигата, би бил сериозен кандидат за титулата.

- Од друга страна, Луческу изјави дека „Баерн е најдобриот клуб на светот, но чудата се случуваат".

- Баерн победил на сите 19 домашни натпревари, по ремито на страна.

- Шахтјор последен пат загуби во Германија пред две години, кога Дортмунд беше подобар со 3:0. На домашен терен Шахјтор водеше 2:0 но Дортмунд израмни на крајот.