Утрово по веста дека починал Силвио Берлускони, на адреса на неговото семејство и на Милан пристигнуваат пораки за сочувство од целиот свет.
МИЛАН
Фудбалскиот клуб Милан се прости од Берлускони со еден негов познат дамнешен цитат и со емотивни видеа.
АЦ Милан длабоко ожалостен плаче за загубата на незаборавниот Силвио Берлускони и стои близу до неговото семејство, соработници и најдраги пријатели.
„Утре ќе сонуваме нови амбиции, ќе создадеме нови предизвици и ќе бараме нови победи кои ќе го претставуваат доброто, силното и вистинското кое лежи во нас, во секој од нас кои ја имавме оваа авантура да го споиме животот со сонот кој се вика Милан. Благодариме претседателе, засекогаш со нас“.
AC Milan profondamente addolorato piange la scomparsa dell’indimenticabile Silvio Berlusconi e si stringe con affetto alla famiglia, ai collaboratori e agli amici più cari.
— AC Milan (@acmilan) June 12, 2023
“Domani sogneremo altri traguardi, inventeremo altre sfide, cercheremo altre vittorie. Che valgano a… pic.twitter.com/CWmYy8xzwi
Емотивни видеа од Милан за својот сакан Берлускони
Од фудбалските клубови меѓу првите се огласија Реал Мадрид, Наполи, Јувентус, Интер. Од тренерите Карло Анчелоти.
„Тагата од денес нема да ги избрише среќните моменти поминати заедно. Ќе остане бескрајна почит за претседателот но и за еден ироничен, интелигентен, искрен човек, најзаслужен за мојата фудбалска авантура порано и подоцна како тренер. Благодарам претседателе“, напиша Дон Карло Анчелоти на својот Твитер профил.
La tristezza di oggi, non cancella i momenti felici passati insieme. Rimane una riconoscenza infinita al presidente, ma soprattutto ad un uomo ironico, leale, intelligente, sincero, fondamentale nella mia avventura da calciatore prima, e da allenatore poi. Grazie Presidente. pic.twitter.com/aRLSxxzUVz
— Carlo Ancelotti (@MrAncelotti) June 12, 2023
Од „Сантијаго Бернабеу“ големите пријатели и сојузници на Берлускони низ децениите, со голема почит му напишаа:
„Реал Мадрид, неговиот претседател и Управен одбор се длабоко погодени од смртта на Силвио Берлускони, легендарен претседател на Милан од 1986-та до 2017-та и актуелен претседател на Монца.
Реал Мадрид сака да изрази сочувство на неговото семејство и неговите најблиски, на тифозите на италијанскиот фудбал, пред се на оние на Милан и Монца.
За време на неговото владеење, Милан проживеа еден од најуспешните периоди во историјата со освоени 5 Купа на европски шампиони/Лига на шампиони, 3 Светски клупски првенства, 5 Суперкупа, 8 скудета, 1 Куп на Италија и 7 италијански Суперкупа.
Силвио Берлускони, починат на 86-годишна возраст беше премиер на Италија од 1994 до 1995, од 2001 до 2006 и од 2008 до 2011.
МОНЦА
Од неговиот актуелен клуб Монца со кого Берлускони испиша уште една прекрасна историја откако го внесе овој клуб во Серија А за првпат во неговата 110-годишна историја, напишаа:
„Адриано Галијани и цела Монца плачат за загубата на Силвио Берлускони: Празнина која никогаш нема да се пополни, засекогаш со нас. Ви благодариме за се претседателе“.
ФРАНКО БАРЕЗИ
„Се чувствувам осамен. Ми беше како татко, единствен претседател и приемчив за сите. Ми ги оствари сништата“, напишал Франко Барези кој беше лидер на трофејниот Милан во ’90-те години.
ЏАНЛУИЏИ БУФОН
„Денес се збогуваме со Силвио Берлускони, претседател со фудбалска визија, страствен и романтичен. Го направи Милан светска сила, ги освои срцата на милиони навивачи. Неговото наследство во светот на фудбалот засекогаш ќе се памети“.
Oggi diciamo addio a Silvio Berlusconi, un presidente di calcio visionario, appassionato e romantico. Ha trasformato il Milan in una potenza mondiale, conquistando i cuori di milioni di tifosi. Il suo lascito nel mondo del calcio sarà per sempre ricordato. pic.twitter.com/UiUiMdHJtA
— Gianluigi Buffon (@gianluigibuffon) June 12, 2023
НАПОЛИ
„Претседателот Аурелио Де Лаурентис, со сопругата Жаклин, Луиџи, Едуардо и Валентини. Управата на клубот, стручниот штаб, екипата и цел фудбалски клуб Наполи изразува длабоко сочувство за починатиот Силвио Берлускони“, стои во телеграмата од Наполи.
È scomparso Silvio Berlusconi, il cordoglio della SSC Napolihttps://t.co/GAzUICwXB7
— Official SSC Napoli (@sscnapoli) June 12, 2023
Силвио Берлускони беше претседател на Милан од 1986-та до 2017-та, 31 година во кои ги направи росонерите светска фудбалска сила и еден од најтрофејните клубови на светот.
Во ера на Берлускони Милан освои 29 пехари а низ составот продефелираа врвни светски фудбалери, тренери, раководители.
Берлускони за првпат официјално станал претседател на Милан на 20 февруари 1986-та. Набрзо Силвио решава да го постави Ариго Саки за тренер на екипата. Ова се испостави како полн погодок со оглед на тоа што дотогашниот тренер на Парма, на росонерите им донесе скудето, две титули Куп на европски шампиони, два Интерконтинентални Купа и два Суперкупа на Европа.
#OnThisDay in 1986 🤩
— AC Milan (@acmilan) March 24, 2021
35 years ago, the beginning of a golden era with Silvio Berlusconi 🔴⚫
35 anni fa, l'inizio ufficiale della gloriosa era @berlusconi 🔴⚫#SempreMilan pic.twitter.com/Qic1wIZlKe
Со Адриано Галијани Берлускони формираше фасцинантен тандем, најмоќен во светот на фудбалот. Овој однос трае со децении, а двајцата по неверојаните успеси со Милан, ја продолжија успешната приказна и во Монца која што од нисколигаш ја направија член на Серија А.
Во 1988-ма година Милан ја освои првата титула под Берлускони. Таа сезона се водеше голема битка со Наполи на Марадона, а скудетото беше 11-то во историјата на Милан, прво со Силвио како претседател.
