Меѓународната федерација на фудбалски асоцијации (ФИФА) регистрирала вкупно 4.973 трансфери на фудбалери во првите шест месеци од 2012-та година. Тоа е за 9% помалку од истиот период минатата година.
Дури 72% од овие трансфери биле без компензација, односно клубовите потпишувале со фудбалери без договор, па на трансфери биле потрошени само 576 милиони долари или 34% помалку од првите шест месеци во 2011-та година.
Најголема активност на трансфер пазарот е регистриран во Бразил. Вкупно 700 фудбалери ја напуштиле или пристигнале во оваа земја, а на второто место е Англија со 326.
Најголеми трошаџии се Русите кои потрошиле 64,4 милиони долари, а во овој период најмногу плаќале Португалците каде просечно еден трансфер вредел 3,4 милиони долари.
