Натпреварот предизвика огромен интерес во цела Македонија и половина од картите беа продадени за само четири часа, а следниот ден веќе немаше карти за јужната и северната трибина.
Тапкароши во околината на стадионот се обидоа да профитираат со препродавање на картите за 200 до 300 денари, но дали некој се обидел и да ги фалсификува или пак се работи за грешка од страна на дистрибутерот на картите?
Неколку седишта од националната арена Филип II за време на натпреварот помеѓу Вардар и БАТЕ Борисов останаа празни, но од фотографијата која ни ја испрати читател може да се види дека на некои требаше да седат и по двајца.
