ОД КАДЕ ТОКМУ ТАА СУМА - 116 МИЛИОНИ ФУНТИ?
Траекторијата на кариерата на Елиот Андерсон (23) најдобро ги илустрира последните трендови во Премиер лигата.
Овој врвен талент е производ на академијата на Њукасл. Тој мечтаел целата кариера да ја помине во родниот клуб но фудбалската кариера не е музичка желба.
Пред две години Њукасл го продаде во Нотингем Форест: причина за тоа беа проблемите со финансискиот фер-плеј во Премиер лига. Ако ги нарушиш правилата можно е да те казнат и бодовно и парично. Неодамна во таква ситуација се најде Евертон, па и самиот Форест.
Продажба на свои деца од школата е една од можностите да се исправат делата со финансиски фер плеј. Важно е зделката да се заврши до крајот на јуни кога завршува финансиската година. Официјалниот датум на трансферот на Андерсон од Њукасл во Нотингем Форест беше 30-ти јуни 2024 година.
Треба да се спомене и дека Њукасл не сакал да го продава Елиот Андерсон (23), а Еди Хау велел дека разделбата со него му го скршило срцето. Самиот Андерсон неколку пати го барал тренерот да го праша дали навистина мора да замине.
Од друга страна, вакви разделби не се реткост, а вината може да се бара кај клубот кој лошо ги води финансиите и кај правилата кои принудуваат рана разделба со воспитаниците.
На пример Енцо Мареска така ја објасни продажбата на Конор Галахер од Челси во друг клуб. Цената на англиските играчи расне после првата добра сезона. Андерсон играше како стандарден првотимец во Премиер лига две сезони. Во Англија не постои стриктна квота за домашни играчи, но англиските фудбалери и натаму се многу поценети поради правилата за регистрација.
Ако клуб сака да регистрира список од 25 играчи во Премиер лигата, најмалку 8 мора да се од домашна академија. Националноста не е важна, но мора да поминат најмалку три години во клубот во рамки на англискиот систем. Андерсон стигна до стандарден репрезентативец на Англија и тој фактор игра голема улога.
Дополнителен фактор е аукцијата. На Андерсон претендираа двата клуба од Манчестер. А Форест не брзаше и ја чекаше најдобрата понуда. Како во случајот со Деклан Рајс за кого пред три години се бореа Манчестер Сити и Арсенал. Во борбата за играчот клубовите постојано наддаваа и во тој случај цената расне на неколку десетици милиони фунти плус.
Има теорија дека Манчестер Сити жали што не се наддавал во зделката за Рајс. Тој стана не само клучен играч на шампионскиот Арсенал туку и човек кој можеше да го замени Родри кој се опоравуваше од повредата и полека ја креваше формата. Андерсон е играч со ист талент и влијание на теренот.
КАКО ИГРА?
Во последните години во Премиер лига се појавија многу играчи за врска помеѓу одбраната и средниот ред. Адам Вортон од Кристал Палас, Коби Мајну од Манчестер Јунајтед, Алекс Скот од Борнмут, Џејмс Гарнер од Евертон и Елиот Андерсон од Нотингем Форест.
Во изминатата сезона Елиот Андерсон кој играше за Форест, екипа која почесто мислеше на својата одбрана и неретко „паркираше автобус“ пред својот гол, имаше големо влијание врз играта. Тој доминира во разни аспекти од играта, додавања, асистенции, центаршути, одличен преглед на терено и интелект. Повторно одземени топки и освоени дуели, физикусот исто се негови главни карактеристики. Техниката му е послаба страна.
Обично за тренерите не е лесно да им се најде идеална позиција. Пример Џуд Белингем долго време беше на таа позиција последен играч за врска па стана класична 10-ка.
Андерсон во дебитантската сезона за Форест исто го префрлаа на разни позиции. Тренерот Нуно Еспирито Санто го гледаше и како стопер и како десетка, па дури и на лево крило кон средина.
Конечно минатата сезона стана класичен последен играч за врска.
На Светското првенство 202 Андерсон е главен во средниот ред на Англија. Негова основна задача е да ја избави Англија од стерилноста која ги следеше на последните турнири. Екипата на Герет Саутгејт се откажа од ризиците да оди низ средина, а Андерсон е специјалист за тие додавања. Против Хрватска при пресинг на противникот, Елиот ги поврзуваше соиграчите со последната третина од теренот.
Се очекува тој да доминира и на дуелот против ДР Конго за пласман во осминафинале.
