Кога син ти на 15 години ќе го видиш како дебитира во Серија А во дрес на Милан

Во италијанскиот фудбал викендов се случи историски момент. Дете со 15 години, 8 месеци и 22 дена стана најмлад во историјата кој заиграл во Серија А. Клип правеше од атмосферата, кога стапна на Сан Сиро.

Моментот се случи во 82-та минута од натпревар Милан - Фиорентина кој заврши 1:0. Од игра излезе Лука Јовиќ, влезе Франческо Камарда, инаку роден на 10 март 2008-ма.

Значи не бил ни роден кога Милан ја освои европската титула со Анчелоти во Атина.

Инаку Пиоли ги немаше на располагање повредените Рафаел Леао и Ноа Окафор, како и суспендираниот Оливие Жиру и го повика Камардар од младинскиот погон.

Малиот кој е висок 184 см има постигнато 485 гола на 89 средби во академијата на Милан или во просек по 5,5 гола по натпревар. На 14 години го пуштиле да тренира со У-19 и на пријателска дал два гола.

Импресивниот Франческо, дебитираше во младинската Лига на шампиони пред два месеци и тоа со хет-трик против Њукасл, а потоа на ПСЖ му даде гол со ножички.

Со оглед на тоа што во прв тим не е дозволено да играат играчи под 16 години, Милан морал да бара овластување од Италијанската фудбалска федерација.

Ова ќе остане ден за паметење за него, но и за неговите родители кои ги снимија возбудени на трибини и тоа токму во моментот кога Франческо влегува во игра.

Цел стадион го поздрави со овации, а спикерот го претстави на посебен начин.

Франческо Камарда го сруши рекордот на Виздом Амеј од Болоња кој пред две години дебитираше само 14 дена постар.

27 ноември 2023 - 10:00

Штета ако сте пропуштиле

Таа моја наопаку Македонија

Зошто нејќеме Македонија да биде Швајцарија на Балканите

Кој го тоа покраде Иван?

Додека вие пушите, Бугарките си свиркаат