Јунакот на Милан кој го сруши Атлетико, на 25 години играл за годишна плата од 1.500 евра

Се вика Жуниор, како и еден куп Бразилци, а се превиза Месиас. Интересно презиме, особено ако ги прочитате одвоено првите четири и последните две букви. Каква бајка му се случува во животот. Па зарем успеал да склопи око синоќа?

Да прашате кој е тој Меси од Милан, тоест Месиас е сосема легитимно, бидејќи дечкото има само три настапи за росонерите, два во Серија А и еден во Лига на шампиони.

Дебитираше минатиот месец против Аталанта, а дебито во ЛШ против Атлетико Мадрид сигурно до вчера му било само сон во кој можеби и тој самиот не верувал дека може да му се исполни, ако се види како почнал.

Неговата приказна може да биде инспирација за секое дете кое мечтае за фудбалска кариера. Замислете, на Жуниор му се случува животно фудбалска ренесанса на 30 години.

Тој пред 10 години пристигнал да работи во Италија за да преживее и бил дел од центар за мигранти во Торино и тоа во еден од поопасните со мешавина на луѓе од цел свет.

На 20 години почнал да работи на градилиште, на 25 години бил доставувач на фрижидери и играл во аматерска конкуренција, на 28 години игра во Серија Б, на 29 години заигрува во Серија А за Кротоне, а на 30 дебитира за Милан во Лига на шампиони со гол против Атлетико Мадрид на гости.

И тоа ултра важен гол постигнат во финишот, со кој го враќа Милан во последното коло во игра за осминафинале. Треба да го добијат дома Ливерпул кој веќе е пласиран, а Порто дома да не го победи Атлетико.

Сите пишуваат за сторијата на херојот на Милан кој од беда пред неколку години, стигна до милионски договор со седумкратниот првак на Европа.

„Ми дојде да плачам, бидејќи низ глава ми помина сè што преживеав. Чиста емоција. Помислив на бога, цела моја историја е напишана од него“. 

Целата сторија за него тука. 

25 ноември 2021 - 07:56

Штета ако сте пропуштиле

Дежуловиќ: Јасно е за што служат коментарите на порталите

Фројдовска грешка

Земјата порано позната како поранешна југословенска република Македонија

Азра: мала школа на политичко мислење