Јаневски во поширокиот состав го повика младиот талент Давид Бабунски кој веќе е дел од Б тимот на Барселона, а нападот ќе го освежи со Јован Костовски од Вардар кој минатата сезона беше најдобар стрелец во македонското првенство.
Овој натпревар не е за да експериментираме како што направивме со Шведска и Норвешка во јуни, затоа треба да го сфатиме многу сериозно. Побаравме контакти заедно со техничкиот секретар Марио Ѓурчиновски и со сите играчи остваривме контакти освен со Горан Попов кого не успеавме да го добиеме и покрај сите наши напори, за што многу ми е жал. Сите играчи ни се добро познати, а има и млади меѓу кои и дебитантите Давид Бабунски и Стеван Спировски кој се враќа во репрезентација - изјави селекторот на македонската фудбалска репрезентација, Чедомир Јаневски.
Пријателскиот натпревар против селекцијата на Бугарија се игра на 14 август во Скопје, а квалификациските натпревари против Велс и Шкотска се закажи за следниот месец.
Голмани
Томе Пачовски (Мехлен-Белгија)
Кристијан Наумовски (Динамо Б.-Романија)
Дарко Тофилоски (Кошице-Словачка)
Одбрана
Александар Тодоровски (Штурм-Австрија)
Даниел Георгиевски (Стеауа-Романија)
Стефан Ристовски (Латина-Италија)
Николче Новески (Мајнц-Германија)
Ванче Шиков (Волин-Украина)
Даниел Мојсов (Бран-Норвешка)
Даниел Ивановски (Мјалби-Шведска)
Среден ред
Остоја Стјепановиќ (Висла Краков-Полска)
Стефан Спировски (Борац Чачак-Србија)
Никола Глигоров (Кхазар Ланкаран-Азербејџан)
Давид Бабунски (Барселона-Шпанија)
Напад
Александар Трајковски (Злуте-Белгија)
Агим Ибраими (Марибор-Словенија)
Иван Тричковски (Беверен-Белгија)
Мирко Ивановски (Астра-Романија)
Горан Пандев (Наполи-Италија)
Адис Јаховиќ (Вил-Швајцарија)
Јован Костовски (Вардар-Македонија)
