Драмата во Италија го дочека својот крај. По разни резултатски подеми и падови, Наполи го освои шампионското скудето. Четврто во нивната клупска историја.
Пред повеќе од 60.000 гледачи на стадионот „Диего Армандо Марадона“, Наполи кој играше под голем притисок затоа што Интер му дишеше во врат, успеа да се избори и да слави 2-0 против Каљари.
Напаѓаа фудбалерите на Антонио Конте кој уште еднаш во првата сезона на некој клуб освојува шампионска титула (вечерва не го водеше тимот поради црвен картон), но Каљари се бранеше одлично. Дури во 43-та минута отпорот беше скршен.
Шкотланѓанецот Скот Мектоминеј кој како резервист од Манчестер Јунајтед дојде и стана главен играч во Наполи, постигна прекрасен гол со полу-ножички и Неапол еруптираше! Прослава на стадионот и на сите плоштади ширум градот каде што се гледаше натпреварот.
Најбурно беше на плоштадот „Плебишито“ каде стотици илјади навивачи на Наполи еуфорично со пиротехника го прославија голот:
The reaction in Napoli to McTominay’s opener
— Calcio England (@CalcioEngland) May 23, 2025
pic.twitter.com/VYcAVkETO1
На полувреме се отиде со водство на Наполи 1-0, а во 51' минута искусниот Ромелу Лукаку постигна прекрасен гол за 2-0:
Во тој момент сите на стадионот и фудбалерите и навивачите на Наполи се ослободија од психолошкиот притисок и заиграа во свој ритам, создадоа уште неколку шанси и ја сочуваа предноста од 2-0.
Победа за шампионска титула. Четврта за Наполи во историјата кој има и шест Купа на Италија.
I N D E S C R I V I B I L E 🎆#McTominay #Lukaku #NapoliCagliari #DAZN pic.twitter.com/WC43ag7Cld
— DAZN Italia (@DAZN_IT) May 23, 2025
This is what it means... Napoli fans celebrate Scott McTominay's opener 🧨🎆 pic.twitter.com/acuQxIOMEr
— Destination Calcio (@DstnCalcio) May 23, 2025
Antonio Conte! 🙌#4PARTHENOPE #SCUDETTONAPOLI pic.twitter.com/8iX3wFlqgG
— Lega Serie A (@SerieA_EN) May 23, 2025
По број на титули и натаму е неприкосновен Јувентус кој има 36 скудета. Следат: Интер со 20 скудета, Милан има 19, Џенова 9, Торино 7, Болоња 7 и Про Верчели 7. Наполи има 4 а Рома 3 шампионски титули.
